Sunshine todo pasalamat kay Diego sa pagiging ‘protective at best kuya’ sa kanyang Tres Marias
Diego Loyzaga, Angelina, Samantha, Francesca at Sunshine Cruz
SUPER touched ang hunk actor na si Diego Loyzaga sa pa-tribute sa kanya ni Sunshine Cruz nitong nagdaan niyang 27th birthday.
Puring-puri ng aktres ang pagiging loving and caring kuya ni Diego sa mga anak nila ni Cesar Montano na sina Angelina, Samantha, at Francesca Cruz.
Kapatid ni Diego sa ama ang “tres marias” ni Sunshine. Anak naman ni Cesar si Diego sa aktres na si Teresa Loyzaga.
Sa kanyang Instagram account, ibinahagi ni Sunshine ang litrato ng tatlo niyang anak kasama ang kanilang kuya kalakip ang birthday message niya para sa aktor.
“Happy Birthday to THE BEST BROTHER my princesses could ever have.
“Thank you for always being there for your sisters Diegs. For being protective and being such a loving kuya. They are blessed to have you as their Kuya Diego.
“We love you and know that we are always here for you! Enjoy your special day Diegs!” mensahe ni Sunshine.
Sa comments section ng IG post ni Sunshine ay sumagot agad si Diego, “Awwww tita. I love you so much! Always here for the tres marias.”
Makalipas ang ilang buwang paghihiwalay nila ni Barbie Imperial, nali-link naman ngayon si Diego sa former “Pinoy Big Brother” housemate na si Franki Russell.
View this post on Instagram
Ito’y matapos kumalat ang mga sweet photos nila together sa social media. Wala pang inaamin o dinedenay ang dalawa sa tunay na estado ng kanilang relasyon.
Pero nu’ng birthday nga ni Diego, binati rin ni Franki ang aktor, “Happy birthday @diegoloyzaga you have the biggest heart and everyone around you is so lucky to have someone like you in their life. 27 ain’t ready for you papi.”
Kayo na ang bahalang humusga kung may malisya ang pagbati ng dating “PBB” housemate kay Diego.
Julie Anne niregaluhan ng ‘puso’ ni David; Barbie, Jak maraming paandar sa Heartful Café
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.