Janice ayaw nang makatrabaho si John, pero payag kay Aga: Magkaiba kasi yung status ng relationship…
John Estrada, Kaila Estrada at Janice de Belen
NAGSALITA na nang tapos ang Kapamilya actress na si Janice de Belen na hinding-hindi na sila magkakasama sa anumang proyekto ni John Estrada.
Ito ang ipinagdiinan ng aktres nang magkachikahan sila ng kanyang anak na si Kaila Estrada tungkol sa kanilang relasyon bilang mag-ina at kung paano nila napapanatili ang magandang relasyon ng pamilya.
Napanood namin ito sa Mother’s Day episode ng “Biyaheng Retro 2.0″ ng Jeepney TV, na umere noong May 10 at isa nga sa naitanong ni Kaila sa ina ay kung posible pa ba silang magkatrabaho ng ama niyang si John Estrada at sa ex-boyfriend ng inang si Aga Muhlach.
Mabilis na sagot ng beteranang aktres, “Aga, yes, I would be open to working with him. To your dad, no.”
Sundot na tanong ni Kaila kung bakit ayaw nang makasama ni Janice si John pero payag siya kay Aga.
Katwiran ng aktres, “Alam mo kasi, hindi kami naging mag-asawa ni Aga, so it’s different than… the relationship is different.
“It’s different with your dad kasi naging mag-asawa kami. Yung disagreements namin were not tiny disagreements.
“The reason for us separating, it’s not a tiny thing, it’s not just a disagreement. So many hurtful things, so many hurtful words have already been exchanged,” paliwanag pa ng aktres.
Natatakot siya na baka maging problema lang sila sa produksiyon, “And there’s a reason why we’re not exactly friends.
“With everything that has happened between both of us, we might be an inconvenient to the people we are working with and working for.
“Baka maging problema kami, so huwag na lang kaming maging problema at all.
“And you know, we’re fine, we’re civil. You’re grown-ups, and if you need anything you can go straight to him, di ba?” aniya pa.
View this post on Instagram
Pagpapatuloy pa ni Janice, “On my part, before, I had been through much more prior to the decision of separating than after.
“Because parang na-used up na lahat ng pain ko, lahat ng pain capacity ko and tears ko. Parang nagamit na through the whole process how things got to separating.
“So, by the time I decided, I was calm, I was ready for anything that’s why it was more on you. And I figured, your recovery, the way you kids will recover will depend on how I recovered.
“Kasi kung nakita niyo ako every day, umiiyak, or troubled, or yung hilo, or parang nababaliw, du’n kayo mas mahihirapan.
“And I wanted to make sure that I would be okay na humarap na ako sa inyo para ang iwo-worry ko na lang, kayo, hindi na yung sarili ko,” sabi pa ng award-winning actress.
Matatandaang nagpakasal sina Janice at John noong 1992 ngunit naghiwalay rin noong 2001. Pinawalang-bisa naman ang kanilang kasal noong 2004. Biniyayaan sila ng apat na anak — sina Inah, Moira, Kaila, at Yuan.
May isa namang anak si Janice kay Aga, si Luigi Muhlach na 35 years old na ngayon.
Janice de Belen insecure noon sa katawan: Pero ngayon, so what? This is me, ayaw n’yo, ‘di ‘wag n’yo
Janice sinabi na ang totoo tungkol sa ‘secret affair’ nila ni Gerald
Janice ikinumpara sa bangus si Gerald: Kasi matinik, parang ang daming issue
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.