‘Kakampink’ miting de avance top trending topic sa Twitter; KathNiel sumugod sa rally
Kathryn Bernardo at Daniel Padilla
NAGMISTULANG reunion ng malalaking artista at personalidad ang naganap na miting de avance ng tambalang Vice President Leni Robredo at Sen. Kiko Pangilinan sa Makati City.
Naging trending topic sa Twitter ang huling araw ng pangangampanya ng Team Kakampink kagabi habang mainit ding pinag-usapan sa social media ang miting de avance ng iba pang kumakandidato para sa 2022 elections.
Kanya-kanyang paandar at pasabog ang mga presidential candidates sa last daw ng campaign rally tulad nga nina VP Leni, Sen. Manny Pacquiao, Manila Mayor Francisco “Isko” Moreno, Sen. Panfilo “Ping” Lacson, Ka Leody de Guzman, dating National Security adviser Norberto Gonzales, Faisal Mangondato, dating presidential spokesperson Ernie Abella, at Dr. Jose Montemayor, Jr..
Ang ilan sa mga hashtag na nag-trend sa Twitter Philippines ay ang mga sumusunod: #MakatiIsPink,
#PilipinasIsPink, #Ipana7oNa10ParaSaLahat, #KikoIsOurVP at #LeniKikoMitingDeAvance.
And as expected, naging star-studded ang miting de avance ng Leni-Kiko tandem sa pangunguna nina Megastar Sharon Cuneta, Asia’s Songbird Regine Velasquez, Ogie Alcasid, Vice Ganda, Coco Martin, Anne Curtis, Gary Valenciano, Ely Buendia, Ben&Ben, Moira at marami pang iba.
View this post on Instagram
At sa kauna-unahang pagkakataon, nag-join sa last campaign rally nina VP Leni ang celebrity couple na sina Daniel Padilla at Kathryn Bernardo kagabi sa Makati.
Hindi nagsalita ang KathNiel love team sa nasabing miting de avance pero present sila nang ibandera ng mga kapwa Kapamilya stars na sina Angel Locsin, Iza Calzado at Jane de Leon ang kanilang pagsuporta sa pagkakaroon ng “good governance” sa susunod na administrasyon.
“Grabe talaga pag ka astig nyong dalawa,” komento ni Angel.
Sabi naman ni Gab Valenciano, “Galinggg!”
“Thank you Kath!!!” ang mensahe naman ni KC Concepcion sa magdyowa.
Last month ibinahagi nina Daniel at Kathryn ang kanilang pagsuporta sa kandidatura nina VP Leni at Kiko sa pamamagitan ng video message sa Leni-Kiko People’s Rally sa Pasay City.
https://bandera.inquirer.net/294914/sharon-nagpakita-ng-suporta-sa-pagtakbo-ni-sen-kiko-sa-2022-im-here-for-you-and-i-love-you
https://bandera.inquirer.net/309691/andrea-brillantes-na-prank-kinilig-sa-donbelle-na-realize-ko-kung-anong-date-ngayon
https://bandera.inquirer.net/308121/xian-gaza-nag-react-sa-viral-post-ni-valentine-rosales-just-a-black-propaganda
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.