Mikee Quintos pasado na bilang ‘ultimate leading lady’, tanggap ng fans kahit sino ang ka-loveteam
Dave Bornea at Mikee Quintos
PWEDE na ring tawaging “ultimate leading lady” ang Kapuso young actress na si Mikee Quintos.
In fairness, kahit sino kasi ang itambal sa dalaga ay pumapatok at mainit na tinatanggap ng kanyang mga fans at social media supporters.
Bumenta sa manonood ang tambalan nila ni Kevin Miranda sa Kapuso series na “The Lost Recipe” at patok na patok din sa viewers ang love team nila ni Sef Cadayona sa comedy show na “Pepito Manaloto”.
At ngayon naman, binigyan uli siya ng GMA ng bagong ka-partner sa GMA Afternoon Prime drama series, “Apoy sa Langit”, ang hunk actor na si Dave Bornea. Nagsimula na ang programa kahapon kapalit ng “Prima Donnas”.
“It’s nice to be paired with different actors kasi I prefer na hindi ako identified sa isang ka-love team lang. I learn a lot from the people I work with. Lahat sila, may naitutulong for me to get better in my craft,” pahayag ni Mikee sa naganap na online presscon ng “Apoy Sa Langit” kamakailan.
Sa kuwento ng “Apoy sa Langit”, gaganap si Mikee bilang anak nina Maricel Laxa at Ramon Christopher. Nang mamatay ang karakter ni Monching magpapakasal uli si Maricel kay Zoren Legaspi.
“After ‘Pepito Manaloto’ na comedy, heavy drama naman itong ‘Apoy sa Langit’. It’s my first time to work with most of my co-stars and I really learning a lot from, specially Tita Maricel Laxa who is such an accomplished award-winning actress.
“Napaka-effortless niya on camera. I’m so thankful napasama ako sa show na ito, what with Direk Laurice Guillen directing us. Para na akong nag-a-acting workshop while doing lock-in taping for ‘Apoy sa Langit,’” sabi pa ni Mikee na natsitsismis naman ngayon sa Kapuso young actor na si Paul Salas.
View this post on Instagram
Kumusta naman ang working relationship nila ni Dave Bornea? “We’ve known each other, matagal na. Pareho kaming bago pa noon sa GMA at nagkakasabay kami sa workshops, yung batch nila sa StarStruck.
“We were paired sa exercises na ipinagagawa sa amin noon so we’ve really known each other. Dito nga sa ‘Apoy sa Langit’, when we have scenes to do, nire-remind ko sa kanya yung tecniques na natutuhan namin doon.
“I tell him, ‘Naaalala mo ba yung ginawa natin noong ganito? Let’s try it here.’ And it really helps make our work easier.”
Marami ang nagsasabi na matindi rin ang chemistry nila on screen, “According to the people sa set, okay naman daw. Maganda ang rapport namin.
“But we are really working on it by making sure we portray our roles well, me as Ning and he as Anthony. Mas gusto naming makita ng viewers yung characters we play and not us the actors,” sey pa ni Mikee.
Para naman kay Dave, dream come true ang maging ka-loveteam si Mikee, “It’s a blessing and I’m so grateful to be given the chance to work with her kasi she’s so generous when it comes to sharing her idea.
“She’s very collaborative and we talk about how we can do our scenes together effectively. Kung ano ang okay at tama, at kung ano ang hindi. Sobrang gaan niyang kasama sa set so after each scene, I always say thank you to her,” lahad ng binata.
Mikee Quintos ayaw pasukin ang politika; umaming super na-miss si Kelvin Miranda
Dasal ni Alex mula nang maging dyowa si Mikee: Lord, wag n’yo na pong pakialaman lovelife ko…
Kyline mas tumindi pa ang ‘hugot’ sa pamilya; Buboy bibida sa life story ni Betong
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.