Herbert Bautista binatikos ng Gabriela matapos halikan ang attendee sa UniTeam rally
USAP-USAPAN ngayon ang senatorial candidate at dating alkalde ng Quezon City na si Herbert Bautista matapos mag-trending ang kanyang video kung saan hinalikan niya ang isang attendee sa UniTeam rally na ginanap sa Ormoc.
April 9 pa nang mangyari ang campaign sortie ngunit nito lang nag-viral ang video ng actor-politician.
Sa naturang video ay makikita si Herbert na niyayakap ang 23-year-old na babae na nagngangalang Pauline at tinanong ito kung pwede bang siyang mahalikan.
Biniro pa nga ni Bistek ang kasalukuyang Ormoc mayor at kapwa artistang si Richard Gomez kung pwede raw ba silang ikasal ng dalaga na sinakyan naman ni Goma at sinabing mauuna ang “kiss the bride” sa kanilang wedding ceremony.
Matapos nito ay tinanong ni Herbert ang babae kung sino ang unang hahalik at nang sagutin naman siya ng dalaga ay nagpunas naman siya ng labi gamit ang damit.
Saad ng senatorial candidate, “Sa mga nagbi-video, wala hong malisya itong aking halik. Kasi nagsalita yung ibang sektor na binabastos namin ang mga babae. Hindi po.”
Matapos nito ay hinawakan niya ang mukha ng dalaga at hinalikan.
Agad namang binatikos ni House Minority leader at Gabriela representative na si Arlene Brosas ang inakto ni Herbert sa campaign sortie.
“This is not about the female supporter agreeing to be kissed. This is about Bautista using the female supporter for his macho power play in a vain attempt to boost the Uniteam campaign rally. Cheap degrading theatrics can’t make up for the lack of meaningful platforms for the people,” saad ni Brosas.
Dagdag pa niya, “We’ve always said that women should not be a tool to entertain people during electoral campaigns. Such acts degrade and insult the capacities of Filipino women and normalize sexual harassment guised as crowd’s merriment.”
Ipinagtanggol naman si Herbert ng ilan sa kanyang mga supporters at sinabing wala naman daw naganap na halikan dahil sa kamay daw ni Bistek dumampi ang kanyang labi.
“Di naman totaly hinalikan tinakpan nya ng kamay nya di nyo nakita kz mapanghusga kau.kahit ulit ulitin nyo pa ung video,” saad ng isang tagasuporta.
Sey naman ng isa, “Napanood ko kaya ang video nito…Hindi naman literal na hinalikan ni Herbert yung girl, tsaka nagpaalam muna siya dun sa girl bago nia gawin yun na humalik kuno.”
“Ang hirap sa pinklawan maliit na isyu pinalalaki yung malaking isyu pilit pinapaliit,” hirit naman ng isa. Sa ngayon ay wala pa namang pahayag si Herbert ukol sa pangyayari. Bukas naman ang Bandera para sa paliwanag ng senatorial candidate hinggil sa isyung kinakaharap.
Related Chika:
Ano nga ba ang ipinangako ni Herbert Bautista kay Kris Aquino?
Andrew E sa mga um-attend ng UniTeam rally sa Cavite: Totoo ang tao dito, walang photoshop!
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.