Aubrey Miles halos mag-hello ang boobs sa pasabog na topless photo habang nasa bathtub
Troy Montero at Aubrey Miles
PASABOG ang birthday paandar ng sexy actress at celebrity hot mama na si Aubrey Miles!
Napanganga at napa-wow ang kanyang mga supporters at social media followers sa ipinost niyang litrato sa Instagram habang nasa bathtub.
Para sa kanyang ika-42 kaarawan, ibinandera ni Aubrey sa buong universe ang kanyang topless photo habang umiinom ng champagne at nakalublob sa bathtub.
In fairness, halos mag-hello na ang boobs ng dyowa ni Troy Montero sa kanyang bonggang daring pictorial kaya naman talagang nagpiyesta ang kanyang male fans.
View this post on Instagram
Ang isinulat na caption ni Aubrey sa kanyang IG photo ay, “My vibe ever since. When I reached my 40s, I suddenly realized that I have no shame and nothing to hide.”
Aniya pa, wala naman daw siyang kailangang itago kaya ipakikita niya kung ano ang gusto niyang ipakita sa publiko.
“What’s there to hide anyway? LoL. I’m just sharing how much fun it is to have freedom that I choose for myself.
“I’m 42 now and how many more years do I wish to live? 30 or 42 more years? hmmm!” mensahe pa ni Aubrey.
Hirit pa ng aktres at businesswoman, “That’s why, I go for it! I try to live my life freely but with care. If that makes sense.”
Libu-libong netizens ang nag-like at nagkomento sa topless photo ni Aubrey kabilang na ang kanyang mga friends sa showbiz. At halos iisa ang kanilang mensahe, “Sana all!”
Pero sa lahat ng mga nag-comment, winner ang entry ni Mariel Padilla. Sey ng misis ni Robin Padilla, “Ako talaga when I grow up I want to be Aubrey Miles.”
Sa edad na 42, fresh na fresh at fit na fit pa rin si Aubrey at partida, tatlo pa ang anak niyan, ha! Kaya naman talagang mapapa-sana all ka na lang kapag nakita mo ang kanyang mga sexy at workout photos sa social media.
Dalawa ang anak niya kay Troy Montero, sina Hunter at Rocket. Ang panganay niyang si John Maurie naman ay anak niya sa dating karelasyon na si JP Obligacion.
https://bandera.inquirer.net/293592/aubrey-troy-18-years-nang-magdyowa-nagbigay-ng-tips-para-tumibay-ang-relasyon
https://bandera.inquirer.net/307438/live-from-the-field-2
https://bandera.inquirer.net/294133/miles-michelle-gaganap-na-magdyowa-sa-love-story-ng-2-flight-attendant-vlogger
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.