Sharon binura na ang post laban kay Panelo pero ayaw pa ring tantanan ng bashers: What she did is so wrong talaga
Sharon Cuneta at Salvador Panelo
HINDI nakakuha ng simpatya sa netizens ang Megastar na si Sharon Cuneta nang i-post niya sa kanyang Instagram account four days ago ang patutsada niya kay dating chief presidential legal counsel Salvador Panelo.
Kinuwestiyon kasi ni Sharon ang pagkanta ng senatorial candidate sa awitin niyang “Sana’y Wala Nang Wakas” na aniya’y paborito ng namayapa niyang anak.
Ang batang sinasabing wala na sa piling ni Atty. Panelo ay special child kaya sobrang memorable sa kanya ang nasabing awitin na gustung-gusto rin ng kanyang anak.
Humingi rin pala ng permiso si Panelo sa Viva Records na siyang nagmamay-ari ng rights nito na ginamit na soundtrack sa pelikulang “Sana’y Wala Nang Wakas” noong 1986 na idinirek ni Leroy Salvador at pinagbidahan nina Sharon, Dina Bonnevie at Cherie Gil.
Sabi ni Sharon sa kanyang post, “WHY?!!!Tell me WHY?!!!I gotta fight for my song’s rights as well as Willy Cruz’s who wrote it! Cannot be. Di dapat sinisira ang isang classic. Basta TAYO ANG AT MAY ORIG! Oh please WE HAVE NOT ALLOWED YOU TO USE OUR SONG! Please stop. Nakakaawa naman ang kanta namin at nakakahiya.”
Dahil dito ay sunud-sunod ang nam-bash kay Sharon lalo’t ipinaliwanag ni Atty. Panelo ang dahilan kung bakit niya ito kinanta sa isang event bukod pa na may approval naman ng Viva Records.
Pinag-uusapan din ang Megastar sa mga online show sa ginawa niya kay Panelo at marahil napag-isip-isip niya na malaking epekto ito sa kandidatura ng asawang si Sen. Kiko Pangilinan na kumakandidato bilang Bise Presidente na ka-tandem ni Vice President Leni Robredo.
At dahil dito ay binura na ni Sharon ang post niya against the senatorial candidate at nagbahagi ng Bible verse sa pamamagitan ng artcard.
“You, Dear Children, are from God and have overcome them, because the one who is in you is greater than the one who is in the world – 1 John 4:3 NIV,” ang nakasaad sa IG post ni Mega.
Narito naman angvmga nabasa naming komento mula sa followers ng actress-singer.
Sabi ni @_iamfainaa, “Lol get a grip lady, you’re losing it.”
Galing kay @ladyboss_kc, “Jusnon pero madamot para kanta lang tapos mang insulto pa.”
Sinagot naman siya ni @shallow_insts, “@ladyboss_kc kya nga, very disappointing talaga, fan talaga n’ya ko, pero what she did is so wrong talaga, so unbecoming of her, she deleted the post already probably after realizing that what she did was wrong.”
View this post on Instagram
Nag-reply din si @marilougutierrez25, “@ladyboss_kc tama nilamon n Ng politika, nakita ang tunay na ugali kaya lang naman gusto manalo c Leni at Kiko eh dhil s ABS CBN. Hindi angat buhay at walang gutom.”
Payo naman ni @sairynii, “Stop posting about God Ms. Shawie kung ‘yung puso mo punong-puno ng galit at hinanakit ng dahil lang sa politika (emoji broken heart).”
https://bandera.inquirer.net/307903/sharon-kinastigo-ng-netizens-dahil-sa-pang-ookray-kay-panelo-wag-daw-masyadong-feeling-magaling
https://bandera.inquirer.net/307785/panelo-kay-sharon-cuneta-i-sing-your-song-to-honor-my-son
https://bandera.inquirer.net/279798/basher-tinalakan-ni-sharon-marunong-akong-kumanta-sumayaw-umarte-at-nagpayaman-ng-producers
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.