May-ari ng rest house sa Pola, Mindoro ‘na-wow mali’ habang nagsu-shooting si Xian Lim
Ina Alegre, Julia Barretto at Xian Lim
POLA, Oriental Mindoro — Nakatsikahan namin ang isa sa owner ng Airbnb dito kung saan naka-check in ang supporting actors ng pelikulang “Bahay Na Pula” na idinirek ni Brillante Mendoza produced ng Viva Films.
Dito rin kasi kami naka-check in para naman sa premiere night ng pelikulang “40 Days” na idinirek naman ni Neal “Buboy” Tan.
Anyway, puring-puri ng nakausap naming may-ari ng airbnb ang pangunahing aktor ng “Bahay Na Pula” na si Xian Lim dahil napakabait at palabati raw.
Naikuwento niya ang nakatutuwang eksenang nangyari sa shooting ng horror movie ni Direk Brillante.
“Hindi ko naman kasi alam na shooting na pala ‘yun, papunta kasi akong palengke, e, nakita ko nga si Xian kaya binati ko, sabi ko, “Uy Xian!”
“E, ngumiti, bumati naman, so parang nag-uusap kami, tapos sinabihan ako na nagsu-shooting daw, biglang nag-second take,” masayang kuwento ng aming kausap.
Tuwang-tuwang ikinuwento nito ang magandang encounter niya kay Xian Lim na talagang puring-puri to the max.
“Ang guwapo, ang tangkad pala no’n. Mabait siya tapos sinamahan niya si Julia dito na makikibanyo. Tuwang-tuwa ‘yung mga nandito kasi may artista.
“May mga estudyante, nagkataon na nandito kasi may project sila tapos ‘yung mga DSWD nandito rin kasi may inaayos sila rito,” kuwento ng may-ari ng bahay na tinirhan namin.
View this post on Instagram
Nabanggit din niya na ang dami nang nagsu-shooting dito sa Pola, Mindoro kaya masaya sila dahil maraming artista silang nakikita at maraming nakakapanood sa shooting tulad ng “Bahay Na Pula”, “Sisid” at “Palitan” na parehong idinirek ni Brillante.
“Nakakatuwa kasi may mga nagtatanong sa amin na nabalitaan nila sa internet na may mga artista dito. Sikat na sikat na ang Pola ngayon dati naman hindi,” masayang tsika pa sa amin.
At heto na nga, ang latest movie na nag-shoot dito sa Pola ay ang advocacy movie na “40 Days” na idinirek ni Neal “Buboy” Tan under ComGuild Productions na si Mayor Ina Alegre mismo ang bida na kumakandidato para sa ikalawang termino sa nasabing bayan.
Going back to Xian Lim ay sana muling makapag-shooting daw ulit dito sa Pola, Mindoro ang aktor isama rin si Julia. Hindi raw nila gaanong napagkikita si Marco Gumabao na iilan lang ang eksena sa “Bahay Na Pula.”
https://bandera.inquirer.net/306635/julia-xian-marco-hindi-pa-alam-ang-ending-ng-bahay-na-pula-sey-ni-brillante-mendoza-abangan-nyo-na-lang
https://bandera.inquirer.net/306663/julia-game-na-game-nang-magpaseksi-tumatanda-na-rin-ako-so-wala-nang-excuse-na-umayaw
https://bandera.inquirer.net/305431/marco-gumabao-sawa-na-sa-tanong-kung-anong-gagawin-sa-valentines-wala-naman-po-akong-girlfriend-so-next-question-please
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.