Billy Crawford pinatunayang hindi matsutsugi ang ‘LOL’ ng TV5: Magte-taping na uli kami

Billy Crawford

SA latest “Showbiz Update” vlog ni Ogie Diaz kasama si Mama Loi at Dyosa Pockoh na in-upload nitong Sabado ng hapon ay muli nilang pinag-usapan ang balitang magsasara na ang noontime show na “Lunch Out Loud” ng TV5.

Hindi naman kinumpirma ni Ogie ang nabalitaan niya at sa katunayan ay hiningan niya ng reaksyon ang isa sa host ng “LOL” na si Wacky Kiray at nabanggit nitong wala siyang alam at parang hindi naman daw totoo ang tsika dahil may mga bago na silang episode sa show.

Nitong Biyernes ay naglabas ng official statement ang producer ng show na si Ginoong Albee Benitez ng Brightlight at itinanggi nitong magsasara na ang “LOL.”

Ayon kay Ogie, “Yes hindi raw po totoo ‘yung nabalitaan kong magpapaalam na ang Lunch Out Loud. Tumawag din sa amin si Atty. Joji Alonso, ang legal consultant ni Congressman Albee Benitez.

“Sabi niya, ‘huy hindi naman totoo ‘yan. Tuluy-tuloy ang taping at malabo ‘yan dahil kahit si Congressman Albee Benitez ay busy sa kanyang kandidatura sa Bacolod ay definitely hindi raw niya igi-give up ang LOL, so, tuluy-tuloy pa rin ang trabaho.”

Bukod kay Atty. Joji Alonzo ay nakausap din ni Ogie ang lead host ng “LOL” na si Billy Crawford.

“Nakausap din namin si Billy Crawford at sinabi rin niyang ‘hindi totoo ‘yan at walang sinasabi sa amin. Actually, meron kaming fresh episodes na tineyp at magte-taping pa ulit kami.’ Nasa France lang daw siya (Billy) ngayon ,” tsika ng kilalang talent manager at vlogger.

“Hayan po malinaw na po ‘yan na hindi magsasara ang LOL. At kung mayroon pa tayong tatanungin at lilinawin ay maaari nating tawagan o i-text ang bossing ng LOL na si Pat Daza,” sabi ni Oge.

Dagdag pa, “Hayan malinaw po yan na hindi magsasara ang LOL hindi kop o sinabing ngkamali ako dahil malinaw naman nu’ng una ang balitang nakarating sa atin.”

https://bandera.inquirer.net/282140/lol-nina-billy-at-alex-sa-tv5-tinatalo-sa-ratings-game-ang-showtime-nina-vice

https://bandera.inquirer.net/298532/billy-tinawag-ni-cristy-fermin-ng-bully-crawford-nanawagang-itigil-na-ang-lol

https://bandera.inquirer.net/306557/pagtsugi-sa-lunch-out-loud-fake-news-sey-ni-albee-benitez-lol-stays-committed-in-giving-fun-laughter-and-prizes-to-every-household