Heart Evangelista game na nag-shopping sa sari-sari store
MARAMI ang naaliw sa ginawang sari-sari store challenge ng actress-vlogger na si Heart Evangelista.
Sa kanyang Instagram ay gumawa ng challenge ang aktres kung saang nasa kamay ng mga netizens kung ano ang kanyang gagawin.
“What would you want Heart Evangelista to do next?” ito ang tanong na makikita sa kanyang video sa Instagram reels nitong Huwebes, February 24.
Pahabol pa nito sa kanyang followers, “Please be nice.”
Isa sa fans niya ang nag-dare sa kanya na magsari-sari store shopping na malugod namang tinanggap ng 37-year-old actress.
“Challenge accepted! Sari-sari store shopping! And saya saya! Brings back my childhood memories,” saad ni Heart sa caption ng kanyang IG post.
Makikita sa video ang pagbili ng aktres sa isang sari-sari store ng kanyang mga paboritong pagkain pati mga ginagamit sa katawan gaya ng conditioner.
Bukod pa rito, si Heart na rin ang nagbayad ng mga pinamili ng mga taong nagpunta sa tindahan habang ginagawa niya ang kanyang challenge.
View this post on Instagram
Tuwang-tuwa naman ang madlang pipol sa ginawa ng aktres.
“Iba ka talaga Ate!!!!!” comment ni Kaladkaren.
Saad naman ni Kaye Abad, “Hahahahahahahaha ANG CUTE MO!!!!!!!!”
Buhok naman ni Heart ang napansin ng singer na si Sam Mangubat sa comment nitong “Ganda ng buhok mo.”
Sey naman ng netizen na si @maykelcero, “Taray naman ni @iamhearte bibili lang sa sari-sari store, shala pa nung suot. Jusko. Kapag ako bumili kung hindi butas, punit naman suot ko. Hahahahaha”
“Kung ako ‘yung may ari ng sari sari store, tung mga paninda ko, after ng visit ni Heart, gagawin ko ring kapresyo ng Hermes,” hirit naman ng IG user na si @paul.evo.
Related Chika:
Nadine viral na naman dahil sa pagbili ng sawsawan ng ‘lechon’ sa isang sari-sari store sa Siargao
Jessy ipinagtanggol si Angel sa laiterang basher: Please tama na ‘yung ganyan, we are all happy na
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.