Anak ni Bettinna Carlos nawalan ng ganang tapusin ang ginagawang laruan para sa ‘nawalang’ kapatid
Bettinna Carlos at Gummy
NA-TOUCH ang mga netizens at may mga naiyak pa nga sa ibinahaging kuwento ni Bettinna Carlos tungkol sa anak niyang si Amanda Lucia o “Gummy”.
Nag-share ang TV host-actress ng isang makabagbag-damdaming usapan nila ni Gummy tungkol sa magiging kapatid sana nitong si Juammy.
Nakunan si Bettinna kamakailan sa unang anak sana nila ni Mikki Eduardo at talagang ikinalungkot ito ng kanilang pamilya pero mabilis din nilang natanggap ang nangyari dahil na rin sa matinding pananampalataya nila sa Diyos.
Sa kanyang latest Instagram post, naibahagi ni Bettina ang nakaaantig na kuwento tungkol sa regalong ginawa ni Gummy para sa kanyang magiging kapatid na papangalanan sana nilang Juammy.
Nang malaman daw nila na nagdadalang-tao siya, excited na gumawa ng laruan at kumot si Gummy para aa kapatid.
Pero nang malaman daw ng bagets na nakunan ang kanyang mommy, hindi na niya tinapos ang ginagawang kumot at laruan.
Ngunit sey ni Bettinna, ipinatapos pa rin niya sa anak ang mga regalo nila kay Juammy para maging remembrance raw nila.
At sa bagong IG post nga ng TV host, makikita ang mga litrato nila ng anak habang hawak ang una sanang laruan ni Juammy.
“Gummy’s latest creation: Kelly, Juammy’s supposedly first toy,” ang caption ni Bettinna sa nasabing IG post.
“When we learned we were pregnant, Gummy started making toys and blanket for her sibling.
“When we lost him, she felt discouraged and did not want to finish them anymore.
“Told her all the more she should in remembrance of him. Thanks baby for finishing it,” pahayag pa ng aktres.
View this post on Instagram
Matatandaang nitong nagdaang Feb. 1 nang ibalita ni Bettinna sa publiko sa pamamagitan din ng Instagram ang nangyari sa kanyang ikalawang pagbubuntis.
“Thank you everyone for your prayers and encouragement. Our family is well by God’s grace. My husband and I are fully convinced of the Lord’s sovereignty, goodness, and perfect will.
“Gummy of course very saddened by the answered prayer going unanswered again and so soon. But we trust the Lord holds her heart too,” aniya pa.
Nagpakasal sina Bettinna at Mikki Eduardo noong December, 2020. Nagpapasalamat si Bettina sa asawa dahil talagang itinuturing nitong tunay na anak si Gummy na anak ni Bettinna sa dating partner.
https://bandera.inquirer.net/295360/bettinna-carlos-sa-naranasang-bagyo-at-power-outage-we-thank-the-lord-na-naranasan-to-ng-anak-namin
https://bandera.inquirer.net/304644/bettinna-carlos-nakunan-sa-1st-baby-sana-nila-ni-mikki-eduardo-we-were-pregnant-and-then-no-more
https://bandera.inquirer.net/304252/xian-gaza-kay-angelica-panganiban-ikaw-po-ba-yung-pinuntahan-ni-carlo-aquino
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.