Ice Seguerra, Liza Dino nagluluksa sa pagkamatay ni Porky: Pahinga ka na, baby ko…no goodbyes
Ice Seguerra, Liza Dino at Porky
NAGLULUKSA ngayon ang pamilya ng mag-asawang Ice Seguerra at Liza Dino dahil sa pagkamatay ng alaga nilang aso na si Porky.
Hindi na nakayanan ng pet dog ng celebrity couple ang kanyang iniindang karamdaman — ang “enlarged heart” at “blockage in her lungs.”
Pumanaw si Porky nitong Jan. 26 at feeling nina Ice at Liza, parang nawalan din sila ng isang tunay na anak dahil naging espesyal na bahagi na rin si Porky ng kanilang buhay.
Sa kanyang Instagram page, isang emosyonal na pamamaalam ang ibinahagi ng OPM icon at songwriter para sa kanilang furbaby na mahigit isang dekada nilang nakapiling.
“Hindi ko masabing ‘run free, Porky’ kasi hindi ka naman mahilig tumakbo. Mahilig kang matulog, kumain, tumambay. Manang-mana ka talaga sa akin.
“You are the epitome of unconditional love. Pagmamahal na walang kapalit, walang expectations, walang hangganan.
“You have blessed my life with so much happiness. Thank you for being my confidant, my best friend, my constant companion, my kiss-giver, my baby love.
“Your presence gave me so much peace. And so much love.
“Thank you for being you, for being my one and only Porky.
“Pahinga ka na, baby ko. No goodbyes. I love you so much,” ang mensahe ni Ice sa alagang aso.
View this post on Instagram
Sa isa pa niyang IG post, inamin ng singer-actor na napakasakit sa kanya ng pagpanaw ni Porky dahil parang nawalan din siya ng anak.
“My heart is in so much pain but alam kong ayaw mong malungkot ako. So I will try my best to be okay.
“But it’s so hard to live in a world without your kisses, your presence, your love. You were not just a pet, you were my daughter. Thank you for loving me selflessly.
“I love you forever, my baby girl, my Baboy, my one and only Porky. The 13 years I’ve spent with you were the best years of my life.
“Mahal na mahal na mahal kita, Porky ko, at sobrang mamimiss kita,” aniya pa.
Nauna rito, nai-share pa ni Ice ang kuwento kung bakit close na close sila ni Porky kasabay ng pakiusap sa mga netizens na ipagdasal ang kanyang alaga, “As a dog’s human, we all know that they have a shorter life span compared to us. But knowing and accepting are two different things.
“I first met Porky in 2008. I’ve always wanted to have a pug. Iba kasi sila, eh. Yung lambing nila, kakaiba. Nu’ng nasa pet store ako, may dalawa akong pinagpipilian nu’n.
“Ang sabi ko sa sarili ko, ‘kung sinong unang humalik sa akin, akin ka na’. Yung isa, lumapit lang tapos tumalikod na. Yung isa naman, pagkalapit pa lang hindi na ako tinigilan halikan. Alam na. Tapos na ang boksing.
“Porky’s been there sa napakaraming moments at milestones sa buhay ko. Ilang beses din kaming nag inuman, madali nga lang siya malasing atsaka malakas pumulutan.
“Never kong naramdaman na mag-isa ako noon kasi alam kong kasama ko siya. Alam niya pag masaya ako, lalo na kapag malungkot ako.
“One of my greatest fears is losing her. Now, it’s staring at me right in the face.
“Hindi ko alam kung anong mangyayari bukas, hell, I don’t even know what will happen tonight. Pero ang importante kasama niya kami. Nandito siya sa tabi ko. Alam niyang hindi siya mag-isa at nararamdaman niyang mahal na mahal namin siya.
“Please continue to pray for our baby, Porky. That she can still pull thru. And pray for us, especially me. That I may be able to accept what tomorrow brings.”
Samantala, nagbahagi rin ng kanyang mensahe si Liza para kay Porky sa IG, “Thank you for giving us more time to show you how much we love you. We knew you’re already weak pero nagpakitang gilas ka pa rin to assure us that you’re gonna be ok.
“Thank you for protecting your daddy @iceseguerra during those years that I was not there yet. You were already 4 years old when I first met you, yet you still loved me unconditionally.
“I will miss your kisses, your laway, your sipon, and sige na nga, even your funky smell esp pag init na init ka.
“Thank you for that beautiful smile you gave me last night. This is the memory I will keep with me forever.
“I wanna say ‘run free’ pero di ikaw yun kasi, kain-tulog lang ang hobby mo. Love you, Porky. We miss you already,” pahayag ni Liza.
https://bandera.inquirer.net/287681/ice-suguerra-34-years-na-sa-showbiz-may-nadiskubreng-bagong-talent
https://bandera.inquirer.net/285427/liza-dino-gustong-gumawa-ng-pelikula-tungkol-sa-trans-family-ano-ba-yung-pinagdaraanan-namin
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.