Anak nina Aga at Charlene na si Atasha pak na pak maging Miss Universe | Bandera

Anak nina Aga at Charlene na si Atasha pak na pak maging Miss Universe

Ervin Santiago |January 11,2022
facebook
share this

Anak nina Aga at Charlene na si Atasha pak na pak maging Miss Universe

Ervin Santiago - January 11, 2022 - 02:00 PM

Atasha Muhlach

PINUSUAN at ni-like ng libu-libong netizens ang mga pasabog na litrato sa Instagram ng dalagang anak nina Charlene Gonzales at Aga Muhlach.

In fairness, talaga namang artistahin din ang aura ni Atasha Muhlach tulad ng kanyang mga magulang kaya huwag na tayong magtaka kung darating din ang araw na pasukin ng dalaga ang mundo ng showbiz.

Nakita na rin namin ang mga litrato at video ni Atasha sa kanyang Instagram page, kabilang na ang ipinost niya kamakailan para sa pagsalubong niya sa Bagong Taon.

Sa kanyang caption, tanging flower emojis lamang ang kanyang inilagay na siya ring design ng kanyang OOTD. Puro positibong mensahe naman ang natanggap ng dalaga mula sa kanyang followers.

Siyempre, kabilang sa mga unang nagkomento sa post ni Atasha ay ang kanyang mga magulang. Sabi ni Charlene miss na miss na niya ang anak.

“My love…(heart emojis). Miss you (heart eyes emoji). See you soon (hug emoji),” comment ng dating beauty queen at aktres sa post ni Atasha.

Nasa United Kingdom ngayon ang dalaga para doon mag-college at sa kasalukuyan ay sophomore student na siya sa isang university sa Nottingham.

Ito naman ang komento ng tatay niyang si Aga, “(Fire emoji) Naman! Haha happy new year! See you soon! Love you very much!”

Karamihan naman sa mga netizens na nag-iwan ng comments sa IG post ni Atasha ay nagsabing pak na pak siya na sundan ang kanyang inang si Charlene bilang beauty queen. 

Si Charlene ang itinanghal na Binibining Pilipinas-Universe noong 1994 at pumasok hanggang sa Top 6 finalists ng Miss Universe 1994.

Bukod sa kanyang mommy, pwede rin niyang manahin ang pagiging beauty queen ng lola niyang si Elvira Gonzales (nanay ni Charlene) na naging 2nd runner-up naman sa Binibining Pilipinas 1964 pageant.

Narito ang ilan sa mga mensahe kay Atasha ng mga netizens na nagsabing sana raw ay sumali rin siya sa Miss Universe Philippines dahil siguradong malakas daw ang magiging laban niya para maiuwi muli sa Pilipinas ang Miss Universe crown.

Sabi ni @szormina, “Future Beauty Queen (fire emojis)!”

Sey ni @miamanaloto_, “Miss Universe! (crown emoji).”

“The Next Miss Universe (crown emoji),” komento ni @anna_sharmeilah_belle.

“So pretty langga… my kind of young celebrity…dapat tularan!” comment ni @ShyGuerrero.

Sabi naman ni @Nickay13, “Isa man sa bet ko na showbiz royalty just like KC!”

Sa isang panayam kay Atasha, naitanong na rin sa dalaga kung ano ang mas pipiliin niya — ang mag-join ng beauty pageant o sumabak agad sa pag-aartista?

“I don’t mind, honestly. Any…either is okay,” aniya. Pero ipinagdiinan ni Atasha na top priority pa rin niya ngayon ang makapagtapos ng pag-aaral.

Sabi naman ni Charlene, may agreement na sila ni Atasha at ng twin brother nitong si Andres na tatapusin muna nila ang kanilang pag-aaral bago nila gawin ang mga bagay na gusto pa nilang matupad.

“I just want them to be them, be able to do what makes them happy whatever decision that might be.

“After they finish college, kahit anong gusto nila, susuportahan naming lahat,” pahayag ni Charlene.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

View this post on Instagram

A post shared by Tash (@atashamuhlach_)

Aga napiling host sa bagong game show ng NET 25; Aiko, Jay 4 years nang magdyowa

Aga, Lea nagkaisyu nga ba nang dahil sa pagpanaw ni Raymund Isaac?

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending