Bet ng Indonesia sa Miss World 2021 tinamaan daw ng COVID-19; 7 pang kandidata naka-isolate na
Miss Indonesia Carla Yules
TOTOO nga kaya na si Miss Indonesia ang tinamaan ng COVID-19 sa mga kandidatang kasali ngayon sa ginaganap na Miss World 2021 sa Puerto Rico?
May kumalat kasing chika na dalawang araw bago ang pinakahihintay na grand coronation night ay nag-positive raw si Miss World Indonesia Carla Yules sa coronavirus.
Usap-usapan din sa social media na bukod sa representative ng Indonesia ay nanganganib na hindi rin makarampa ang ilan pang kandidata sa Miss World 2021 na gaganapin sa Coliseo de Puerto Rico, San Juan, Puerto Rico bukas, Dec. 16 (Dec. 17 Philippine time) dahil naka-isolate pa umano ang mga ito.
Sa report ng Primera Hora, isang publication sa Puerto Rico, isa raw ang kumpirmadong may COVID-19 habang pitong kandidata ang nasa isolation at waiting pa sa resulta ng kanilang swab test.
Inilabas ang English translation ng nasabing balita sa @pageanthology101 sa Instagram. Bukod dito, inilabas din ng nasabing publication ang official statement ni Miss World Organization chairman at CEO Julia Morley.
Kahapon, sa Instagram post ni Pawee Ventura ng Missosology, pinangalanan nga nito si Miss Indonesia na siyang nagpositibo sa COVID-19.
Nasa post din niya na ang roommate raw nitong si Miss India Manasa Varanasi ay nasa isolation pa at hinihintay ang resulta ng kanyang test.
Habang sinusulat namin ito ay wala pang inilalabas na official statement si Miss Indonesia. Nitong Dec. 14, may ipinost siya sa Instagram Stories na maikling Bible verse at isang video kung saan ipinakita niya sa netizens ang nakita niyang rainbow sa labas ng kanyang kuwarto.
View this post on Instagram
Narito naman ang naging pahayag ni Miss World Organization chairman Julia Morley, “The Miss World Organization is following national guidelines. If they don’t produce a negative molecular PCR test, they won’t be on stage for the final show.
“Knowing the seriousness of this global situation that we all face, we took steps to capture the unique talent of each constestant so that, in case they couldn’t join us last night, they could still win the crown as Miss World 2021.
“The panel of judges will review your pre-recorded video content to make their final decision.
“We want to assure everyone that the Miss World Organization from day 1 has implemented a strict and aggressive protocol of taking samples from all candidates through molecular PCR tests.
“We are an experienced and responsible global organization that is very excited to celebrate our 70th anniversary in Puerto Rico and we remain dedicated to the health and safety of our participants and the people of Puerto Rico,” paliwanag pa niya.
Ang Cebuana beauty na si Tracy Maureen Perez ang bet ng Pilipinas sa Miss World 2021 pageant at siyempre, umaasa ang sambayanang Filipino na siya na ang magiging ikalawang Pinay na tatanghaling Miss World after Megan Young.
View this post on Instagram
https://bandera.inquirer.net/300434/tracy-perez-pasok-na-sa-2021-miss-world-top-30-tinawag-na-queen-b-si-beatrice-gomez
https://bandera.inquirer.net/294690/ganiel-krishnan-nag-resign-bilang-miss-world-ph-2021-second-princess-mas-pinili-ang-abs-cbn-2
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.