Dingdong walang reklamo bilang ‘all-around hubby’ ni Marian sa Miss Universe 2021
Marian Rivera at Dingdong Dantes
NAPA-HASHTAG #SanaAll na naman ang mga DongYan fans nang mapanood ang isang maikling video clip na kuha sa katatapos lamang na Miss Universe 2021 grand coronation night sa Eilat, Israel.
Ang nasabing video na kumalat sa social media ay ipinost ng isang netizen kung saan makikita ang Kapuso Primetime King na may bitbit na videocam habang sinusundan ang asawa papasok sa venue ng Miss U.
In fairness, talagang all out ang pagsuporta ng aktor at TV host kay Marian dahil siya mismo ang nagdokumento sa lahat ng naging activities ni wifey bilang judge sa 70th edition ng Miss Universe.
Walang karekla-reklamo si Dingdong na nagsilbing photographer, videographer at water boy ni Marian habang sila’y nasa Israel.
Sa isa ngang video na kuha ng isang netizen ay huli sa akto si Dong na may dalang videocam na nakatutok lang kay Marian. Talagang bawat kilos ng asawa ay dokumentado niya.
View this post on Instagram
Marami naman ang kinilig sa pagpapakita ng aktor ng suporta, pag-aasikaso at pagmamahal kay Marian na walang pakialam sa magiging itsura niya.
Komento nga ng mga netizens, sana raw lahat ng mag-asawa ay tulad ng DongYan na isa sa maituturing na ideal couple sa mundo ng showbiz. Sey pa ng mga kababaihan, sana raw ay magkaroon din sila ng partner na tulad ni Dong.
Sa Dec. 16 nakatakdang bumalik sa Pilipinas ang Kapuso couple at kailangan pang sumailalim sa mandatory quarantine na ipinatutupad ng pamahalaan.
Kaya naman baka raw hindi na makadalo si Dingdong sa fluvial Parade of Stars ng Metro Manila Film Festival 2021 na gaganapin sa Pasig River sa Dec. 19.
Isa ang pelikula ni Dingdong na “A Hard Day” ng Viva Films kasama si John Arcilla sa mga official entry ng MMFF 2021 na magsisimula na sa Dec. 25.
https://bandera.inquirer.net/299479/marian-napiling-judge-sa-miss-universe-2021-sabi-ko-talaga-ba-ako-totoo-ba-yan
https://bandera.inquirer.net/290567/bea-may-hugot-sa-kanegahan-sa-mundo-gustong-mahawa-ang-mga-pinoy-ng
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.