Madam Inutz hindi matanggap ang pagiging ‘Marites’: Nanggigigil ako!
HINDI matanggap ng social media personality na si Madam Inutz ang mga narinig na kumento ng madlang pipol mula sa outside world.
Nagkaroon kasi ng pagkakataon ang mga housemates na muling makarinig kung ano ang tingin sa kanila ng madlang pipol mula sa outside world.
May kalayaan silang mamili kung ano ang nais nilang marinig kung “good” or “bad” comments mula sa mga netizens.
Halos lahat ng mga housemates ay pumili ng “bad” at kasama na nga rito si Madam Inutz.
Sa una ay tila excited pa si Madam Inutz na marinig kung ano ang tingin sa kanya ng mga netizens para malaman niya kung ano pa ang mga bagay na pwede niyang i-improve sa sarili.
“Sanay tayo dyan, parang live selling ko lang yan,” nakangiting saad ng MAMA-bentang live seller ng Cavite.
Sa unang comment ay natawa pa siya at inaming totoo ang sinasabi sa comment na madalas siyang maggigil sa nga batang housemates.
Ngunit nang lumaon ay tila nagbabago na ang timpla ng mukha nito sa mga naririnig na masamang komento laban sa kanya lalo na ng sinabihan siyang “pinakabagong Marites”.
“Ahhh, okay. Siguro napapansin nila na may sasabihin sa akin si Brenda, sasarilihin ko. May sasabihin sa akin si Samantha, sasarilihin ko.pinakikinggan ko kasi ang bawat isa rito pero nagiging quiet ako,” paliwanang ni Madam Inutz.
Ayon pa sa kanya, minsan daw talaga ay clueless ang madlang pipol kung ano ang tunay na nangyayari sa loob ng “PBB” house.
“Minsan talaga hindi lang talaga alam ng mga tao sa labas kung ano ‘yung tunay na nangyayari dito sa loob ng bahay. ‘Yung Marites, Kuya parang hindi ako ‘yun,” dagdag pa niya.
View this post on Instagram
“Nanggigigil ako, pangatlo. Ang sarap mong sikmuraan ha? Nanggigigil ako sa inyo. Nako, sinasabi ko sa inyo, ‘yung una lang ang tumama ah.
Mas lalong hindi maipinta ang mukha ni Madam Inutz nang narinig niya ang huling comment laban sa kanya ukol sa diumano’y pagiging mapuna sa mga kapwa housemates.
Nang matapos ang pagbabasa ng comments mula sa outside world ay nilapitan niya sina Alyssa at Brenda.
“Na-stress ako talaga beh! Mariteeees. Hindi ko matanggap. Sa kanya ‘yun eh. (Turo kay Brenda). Nakikinig lang ako,” saad ni Madam.
Sa confession room naman ay tila nanghihinayang si Madam Inutz sa pagpili ng bad comments.
“Nakakatawa na nakakainis, Kuya. Sana pala pinili ko na lang ‘yung goods kasi parang mainis lang rin ako kahit di naman totoo,” sumbong ni Madam Inutz kay Kuya sa confession room.
Sa ngayon ay kasama ang MAMA-bentang online seller sa mga nanganganib na mapalabas sa loob ng Bahay ni Kuya.
Umaapaw naman ang suporta mula sa talent manager ni Madam Inutz na si Wilbert Tolentino. Sa katunayan ay nagbagsak ito ng 20 million diamonds sa Kumu para iligtas ang alaga sa posible nitong paglabasa ng Bahay ni Kuya.
Related Chika:
Madam Inutz pasabog ang rebelasyon matapos ang ‘PBB’ 3rd nomination night
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.