Albert Martinez sa chikang may relasyon daw sila ni Faith da Silva: I believe it’s not that bad at all…
Thea Tolentino, Yasmien Kurdi, Faith da Silva at Albert Martinez
HINDI dinenay pero wala ring ibinigay na kumpirmasyon ang award-winning veteran actor na si Albert Martinez tungkol sa balitang may “something” na sila ng Kapuso actress na si Faith da Silva.
Naitanong kay Albert ang tungkol sa umano’y pagkakamabutihan nila ni Faith sa virtual presscon ng teleserye nilang “Las Hermanas” last Friday.
Ayon sa nagbabalik-Kapuso actor, “I’m still going through the process of losing a loved a one but, if for example in the near future, I need someone, kumbaga who will, make my heart beat again, why not?
“But for now, I’m still enjoying muna yung moments ko with my kids,” ang simulang sabi ni Albert nang tanungin kung posible pa bang magmahal siya uli.
Six years nang biyudo ang aktor ngunit until now ay wala pa rin siyang ibang nakakarelasyon. Pumanaw ang asawa niyang si Liezl Martinez noong March 14, 2015 dahil sa breast cancer.
Habang nasa lock-in taping ang “Las Hermanas” ay may kumalat ngang chika na na-develop umano sina Albert at Faith na anak ng dating aktor na si Dennis da Silva.
Paiwas na paglilinaw ni Albert, “I’ve been in this industry since 1981. I’ve been there, done that. I’m not affected at all, it’s show business. Show business is a part of entertainment and that’s intrigues part of entertainment. It doesn’t bother me.
“Yung sinasabi nila about Faith, I believe it worked for both of us because the chemistry was there.
“And siguro, I will feel bad if hindi nag-work yung chemistry because it’s my intention, to make sure na maging believable siya sa eyes ng public. Maging believable siya sa narrative and it worked.
“Yung sideline na pinag-uusapan nila is part of the whole thing, but it’s okay, it helped the project and I believe, it’s not that bad at all,” sabi ng aktor.
Samantala, ang “Las Hermanas” ang unang proyekto ni Albert sa pagbabalik niya sa GMA. Bukod kay Faith, makakasama rin dito sina Yasmien Kurdi at Thea Tolentino with Jason Abalos, Jennica Garcia, Rubi Rubi at marami pang iba.
Magsisimula na ito sa Oct. 25 sa GMA Afternoon Prime sa direksyon nina Monti Parungao at Patrick Ferrer.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.