#WowMali: Jinkee Pacquiao nalito sa pag-congratulate kay Hidilyn Diaz
NAGDIWANG ang buong bansa nang masungkit ng “weightlifting fairy” ng Pilipinas na si Hidilyn Diaz ang gintong medalya sa Tokyo 2020 Olympic Games.
Maski mga celebrities nga ay hindi nagpahuli sa pagbati sa Pinay athlete at proud na proud sila sa nakamit ng pambatong weightlifter ng bansa.
Isa na nga rito ang asawa ng Pambansang Kamao na si Jinkee Pacquiao na tuwang-tuwa rin sa pagkapanalo ni Hidilyn sa Olympic Games.
Marahil dahil na rin sa matinding excitement, namali si Jinkee ng flag na ginamit sa kanyang post nang i-congratulate ang nagwaging atleta.
Imbes kasi na Philippine Flag, bandila ng Sint Maarte, isang bansa mula sa Carribean Islands, ang naibandera nito sa kanyang IG story.
View this post on Instagram
Halos parehas kasi ang itsura ng dalawang watawat. Ang pagkakaiba nga lang nito ay kulay blue ang nasa taas ng bandila ng Pilipinas samantalang red naman ang sa Sint Maarte.
Maraming netizens naman ang agad nakapansin at tinawag ang atensyon niya.
Sa isang IG post, muling binati ni Jinkee si Hidilyn. Sa post rin na ito, humingi siya ng paumanhin sa maling nagamit na flag emoji sa IG story.
Dagdag pa nito, “That was unintentional. Love you all! God is good!”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.