Anak nina Ricky at Jackielou artista na rin; type makatrabaho si Joshua Garcia

BATA pa lang ay talagang pinangarap na ring mag-artista ng bunsong anak nina Ricky Davao at Jackie Lou Blanco na si Arabella Davao.

Kaya naman talagang halos magtatalon siya sa sobrang katuwaan nang makatanggap siya ng offer para maging bahagi ng Star Magic family ng ABS-CBN.

“Since die-hard fan ako growing up ng mga Star Magic artists and ng mga pelikula nila, nakita ko na they always produce quality content so dito ko talaga best mama-maximize yung talents ko. “Gusto ko ma-try lahat.

Pero siguro for now romcom and drama,” ang pahayag ni Arabella sa ginanap na virtual Star Magic Black Pen MediaCon kamakailan. Aniya, talagang noon pa man ay nais na niyang sundan ang yapak ng kanyang mga magulang bilang magagaling at respetadong mga artista.

“Siguro early grade school kasi nag-i-school play ako, dance club, hosting in school. So kumbaga yung hilig ko lagi na nandu’n.

“It’s just that I chose to focus muna sa studies tapos when the time was right, here we are now so thankful na natuloy. Supportive naman sila kasi alam nila na dito ako masaya so full support naman sila,” kuwento ng dalaga sa members ng entertainment media.

Hindi naman daw siya nagsisisi na medyo late na siyang pumasok sa mundo ng showbiz sa edad na 24 years old. Hindi rin daw siya makikipagkumpetensiya sa mga relatives niyang celebrities din tulad ng pinsan niyang si Janine Gutierrez.

“Kasi it was my goal talaga to finish my studies which thankfully nagawa ko naman before the pandemic happened so that was my focus at that time and now I feel it’s the right time.

“I don’t feel the need to compete with my relatives kasi iba yung magagawa ni Janine, iba yung magagawa ko and siyempre I’m thankful na meron akong mentors like Janine na any time ko puwede tawagan tungkol sa acting or my dad na nandiyan lang,” paliwanag ng dalaga.

Sa tanong kung sino sa mga Kapamilya actor ang nais niyang makatrabaho, “First thing that comes to mind is Joshua Garcia kasi sobrang idol ko siya sa acting. Feeling ko sa bawat eksena sobrang ramdam ko siya sa mata pa lang.”