True ba, Willie Revillame may tampo kay John Lloyd Cruz?

TRULILI kaya ang nakarating sa aming tsika na may hinampo si Willie Revillame kay John Lloyd Cruz?

Kaya namin ito naitanong ay dahil balitang nag-back out na si Willie sa gagawin sana nilang comedy show ni Lloydie sa GMA 7 base na rin sa mga balitang lumabas noon.

Ito’y kasabay nga ng paglabas ng aktor sa Kapuso network kung saan naging guest siya sa TV special ni Willie para sa isang online shopping app.

Ang TV host ang nakaisip na gumawa sila ng comedy show si JLC at kasama pa nga si Direk Bobot Mortiz sa nasabing project na mapapanood sa GMA 7.

Pero base sa tsikahan nina Ogie Diaz at Mama Loi sa bagong vlog nito ay nasambit ng huli na hindi na ka-join si Willie sa show ng nagbabalik-showbiz na aktor.

Walang ibinigay na komento si Ogie tungkol dito bilang kaibigan ni Lloydie, ang sabi lang niya ay hintayin ang aktor na magsalita para linawin ang isyu.

Nagtanong naman kami sa taong malapit kay Willie pero wala kaming sagot na natanggap hanggang sa matapos naming sulatin ito.

May nabasa naman kaming komento na sosolohin na raw kasi ng GMA ang pagpo-produce ng show ni Lloydie at hindi na kasama si Willie kahit sa kanya nagmula ang ideya.

Anyway, bukas ang BANDERA sa panig nina John Lloyd at Willie hinggil sa isyung ito. Pero kung kami ang tatanungin, sana’y sila pa rin ang magkasama sa nasabing project dahil mukhang maganda naman ang chemistry nila sa pagpapatawa.