Maxine dumepensa kay Miss Canada, nanawagan sa madlang pipol: Stop this bullying!

MATAPANG ding ipinagtanggol ng aktres at dating Miss Universe Philippines na si Maxine Medina ang mga kandidata sa 2020 Miss Universe na biktima ng pambu-bully ng ilang Pinoy pageant fans.

Nadismaya rin ang “First Yaya” actress sa mga nabasa niyang panglalait at pang-ookray ng mga bashers sa ilang kandidata partikular na kay Miss Canada na si Nova Stevens.

Grabe naman kasi talaga ang mga kanegahang comments ng netizens na in-upload pa ng Canadian beauty queen sa kanyang Instagram account. Dito mababasa ang mga Tagalog hate messages laban sa kanyang itsura at kulay.

Sa Instagram Story nag-post si Maxine ng kanyang panawagan sa lahat ng Filipino na sa halip na magpakalat ng hate at harsh comments sa mga Miss Universe contestants ay magpakapositibo na lang at maging makatao.

“STOP THIS BULLYING! REMEMBER MISS UNIVERSE is all about #womenempowerment lets lift them up to be the best version of themselves.

“These young girls that are competing need love and acceptance as they facing their challenges and fears. Let’s be mindful of our words. WE ARE MORE ALIKE THAN WE ARE DIFFERENT!” paalala ng dalaga.

Naging biktima rin noon ng pambu-bully ang Kapuso actress matapos mabigo sa inaasahang back-to-back win sana ng Pilipinas sa Miss Universe 2016 na ginanap sa Manila.
Nakapasok ang dalaga hanggang sa Top 6 kaya hindi niya nakuha ang korona nu’ng taong iyon kaya hindi naganap ang pangarap na back-to-back win sana matapos manalo si Pia Wurtzbach noong 2015.

Nauna nang nag-sorry Miss Philippines Rabiya Mateo kay Miss Canada dahil sa panglalait sa kanya ng ilang Pinoy, “I really feel sorry to her ’cause nobody deserves to be in that position.

“I’ve been bashed, you know? And there was a moment in which a lot of people would tell me, ‘That’s normal. You’re a beauty queen.’ But I’ve seen how it affected not just me, but also other candidates,”‘ paliwanag ni Rabiya.