COVID hugot ni Bea: Hindi siya joke, pag nae-experience mo na siya mas lalong nakakatakot

“KAPAG nae-experience mo na siya, mas lalo siyang nakakatakot.” Ito ang naging pahayag ni Bea Alonzo nang tamaan din ng COVID-19 ang ilan sa kanyang mga kapamilya at kaibigan.

Nagpahayag ng matinding kalungkutan at pangamba ang aktres sa patuloy na paghihirap ng mga Filipino sa gitna pa rin ng patuloy na banta ng pandemya sa Pilipinas.

Makalipas ang mahigit isang buwang pakikipaglaban ng sambayanan sa killer virus ay tila wala pa ring nakikitang “liwanag” ang mga Filipino para muling makabangon.

“We are on quarantine yet again. A year later, nandito pa rin tayo,” ang pahayag ng dalaga sa isa niyang vlog sa YouTube.

“Recently, on my Instagram, I have shared that I’ve had friends and loved ones who were infected with COVID. Hindi siya joke.

“Kapag malapit na pala sa ‘yo, kapag nae-experience mo na siya, mas lalo siyang nakakatakot,” aniya pa.

Ayon pa kay Bea, feeling lucky pa rin siya dahil hanggang ngayon ay nakaka-survive ang kanyang pamilya kahit nasa bahay lang siya at wala pang trabaho.

“I know that there are people who cannot do this. They have to be able to put food on the table,” sabi ng aktres kasabay ng paalala na triplehin na ang pag-iingat kapag lumalabas ng bahay.

Samantala, sa nasabi ring YouTube video sinabi ni Bea na habang nasa bahay pa rin siya talagang naglalaan siya ng panahon para maglinis at mag-organize ng mga kagamitan niya sa bahay.

“I like organizing my home. When I am feeling down, it’s the best thing that I want to do.

“I feel like whenever I am organizing my home, I am able to compartmentalize my feelings and deal with them one day at a time,” kuwento ng dalaga.

Sabi pa niya, napakalaki ng naitutulong ng kanyang home activities para sa, “Protecting my mental health which is very important, especially now that we are dealing with so many crazy things in life.”

Nitong nakaraang mga araw, nasa headline na naman ang pangalan ni Bea dahil sa pambabasag niya sa kanyang ex-boyfriend na si Gerald Anderson.

Sinabi ni Bea na gusto niyang sampalin si Gerald noong makita niya ito sa ABS-CBN Ball ilang araw makalipas mabalita ang kanilang break-up.

“Nakita ko ‘yung likod niya nu’ng ball pero na-traffic kami, hindi ko na s’ya nakita and medyo nakainom pa naman ako noon. I would’ve slapped him. I would have,” pahayag ng award-winning drama actress.

Aniya pa, gustung-gusto raw talaga niyang lapitan at kausapin ang ex-dyowa nu’ng oras na yun, “Apart from, of course, the whole infidelity thing and the whole ghosting thing, I think I’m mad at him more because he gaslighted me.”

Diin pa ni Bea, “Until now, he’s not holding himself accountable. That’s what really gets me. He has not changed. Not a bit.

“He was only protecting himself. He’s selfish. I can’t even find the words to describe that man,” dagdag pa niyang banat kay Gerald.

Sabi pa niya, “It was the first time that I really let myself go and just love fully. Maybe because it’s our second chance and I didn’t want it to fail.”

“To be honest, when he ghosted me, para akong na-scam. As in like, when I posted what I posted (ang caption niyang ‘enough’ sa Instagram), it felt like a weight off my shoulder. Parang I felt I was able to get my power back. Parang naisip ko, in my head, ‘Let me show you who I really am,’” ang dire-diretso pang chika ng dalaga.

Pag-amin pa niya, “Siguro ‘yung baon ko talaga is not to let myself be cheated on that way ever again, by anybody. I will never subject myself anymore to that type of relationship.”