Vin, Sophie ipinakilala na sa publiko ang kanilang ‘giant baby’, pinangalanang Avianna Celeste
DALAWANG linggo makalipas ibandera ng engaged couple na sina Vin Abrenica at Sophie Albert ang pagsilang ng kanilang panganay, ipinakilala na nila ito sa buong universe.
Pinangalanan nila ang baby ng Avianna Celeste Abrenica na ipinanganak nga ni Sophie last March 5 (8:27 a.m.) via caesarean section.
Sa latest vlog ng first time parents, nag-share sina Vin at Sophie ng ilang detalye tungkol kay Baby Avianna.
“What happened was 37th week checkup I was told na she was already 8 lbs. On my 38th week checkup, we were told that she’s already 9.2 lbs,” kuwento ng Kapuso actress sa unang bahagi ng video.
Dugtong pa niyang chika, “She’s a big baby, so it would be safer for us to deliver her via C-section—which is something that I was not expecting. I was hoping to be able to deliver normally but whatever will get her to this world safe.”
Nabanggit din nina Vin at Sophie na pagkapanganak ni Baby Avianna ay kinailangan muna niyang mag-stay sa neonatal intensive care unit (NICU) dahil biglang bumaba ang oxygen level nito.
“Avianna has to be in the NICU because they have to observe her, kasi her oxygen levels go down.
“And then when they did an x-ray on her lungs, parang there’s still water, which they say is normal when you’re caesarean kasi hindi masyadong nai-squeeze ‘yung baby. Plus it’s also normal for a giant baby,” pagbabahagi pa ni Sophie.
Mapapanood din sa video ng celebrity couple ang ang kaganapan noong ipinagbubuntis pa lang ng aktres ang kanilang first baby, kabilang na ang ginawang pag-aalaga ni Vin sa kanyang future wifey.
Sa nakasulat namang description sa nasabing vlog ng first-time parents, ipinagdiinan nila kung gaano sila kasaya sa pagdating ng kanilang “little angel”.
“Baby A was born. It has been quite a journey…Getting pregnant in the middle of a pandemic, and giving birth at the height of it a year after it all started.
“We were lucky that despite all the challenges and scares we went through, we were able to experience Baby A’s birth together and she is finally here with us, safe and healthy. Our hearts are full of love for our little angel,” ayon pa sa engaged couple.
Kung matatandaan, mismong Valentine’s Day last February ibinalita nina Vin at Sophie na magkakaanak na sila. Nauna naman dito ang announcement ng kanilang engagement.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.