Payo ni Kyline sa mga kababaihan, ibandera ang tunay na itsura: Self-love is real love!
“SELF-LOVE is real love!” Ito ang hugot ng Kapuso singer-actress na si Kyline Alcantara para sa lahat ng mga kababaihan na nawawalan na ng tiwala sa kanilang mga sarili.
Sa isang Instagram post, nagbahagi ang dalaga sa kanyang followers at mga fans ng kahalagahan ng pagmamahal sa sarili bilang bahagi na rin ng kanyang pakikisa sa International Women’s Month.
“Self-love is real love. It is as real as it can be. So, flaunt that marks, loosen up that unruly hair, smile with your crooked teeth, and be PROUD of your imperfections.
“No judgment just self-love. Start love with yourself and everything will follow.
“Since we are normalizing a lot of things now, why don’t we normalize self-love?” ang bahagi ng caption ni Kyline sa ipinost niyang litrato sa IG.
Dagdag pa ng aktres, simula raw nang mahalin niya ang sarili, naging maganda at maayos raw ang kanyang pakiramdam. Kaya naman, hinihikayat din niya ang lahat na subukan ito.
“Trust me girl when I say it’s the BEST feeling. You’re beautiful just the way you are. We are all BE-YOU-tiful,” aniya pa.
Samantala, nalalapit na ang pagtatapos ng pinagbibidahang GMA Afternoon Prime series ni Kyline na “Bilangin ang Bituin sa Langit” kung saan ginagampanan niya ang karakter ni Maggie katambal ang Kapuso hunk na si Yasser Marta.
Kasama rin niya rito sina Superstar Nora Aunor, Mylene Dizon, Zoren Legaspi at marami pang iba.
Mapapanood din si Kyline sa weekend variety program ng GMA na “All-Out Sundays” tuwing Linggo.
* * *
Open na ang auditions para sa newest singing competition ng GMA Network na pupusuan ng bayan, ang “Sing For Hearts.”
Para sa mga aspiring singers na kayang magpakilig with their looks and voice, ito na ang pagkakataon hindi lang para maipamalas ang galing sa pagkanta kung hindi para makilala rin ang makaka-duet ninyo for life.
Bukas ang auditions para sa solo male and female singers, single, at may edad na 21-30 years old.
Ipadala ang audition videos (via direct message) sa GMA Talent Search Facebook page kalakip ang mga detalye kabilang ang name, age, at contact details. Maaaring ipadala ang audition videos hanggang April 8.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.