Heart super kilig sa paandar ni Chiz; excited nang makatrabaho si Richard Yap sa ‘Sorsogon’

SUPER kinilig ang Kapuso actress na si Heart Evangelista sa sweet message ng kanyang asawang si Sorsogon Gov. Chiz Escudero.

Matagal-tagal na rin kasing hindi ibinabandera ng politiko sa publiko ang kanyang pagmamahal kay Heart sa pamamagitan ng social media kaya naman may #shookt factor ito para sa aktres.

Hindi naman kasi sanay ang mga netizens kay Chiz na nagpapahayag ng kanyang damdamin kay Heart sa socmed kaya pati ang followers niya ay kinilig din.

Sa Twitter, ibinahagi ni Chiz ang litrato nila ni Heart kung saan makikita at mararamdam kung gaano sila kaligaya sa piling ng isa’t isa.

“Its really nice to spend sweet, nonchalant, terno and trivial moments with my one and only @heart021485 after some time… Mishu always babe,” ang maikling message ng gobernador ngunit punumpuno ng pagmamahal.

Makalipas lang ang isang oras, ni-retweet agad ni Heart ang post ng asawa at nilagyan ito ng caption na, “Awww that’s so random for you to tweet like this! Hahaha I’m kilig!”

Sa kanya namang Instagram account, nag-post ang Kapuso star at fashion icon ng tila stolen photo ni Chiz na may caption na, “Love you” with matching white heart.

Last February, nag-celebrate sina Heart at Chiz ng kanilang 6th wedding anniversary.

Samantala, muling nag-share ang tinaguriang Queen of Creative Collaborations sa kanyang IG followers ng ilang relationship advice.

Sa latest Instagram Q&A session ni Heart, sinagot niya ang tanong ng isang netizen na, “how to unlove people you loved before.”

Sagot sa kanya ni Heart, “Who said you need to? Dear, don’t let them harden your heart. I’d rather cry a thousand teardrops knowing my heart was pure.

“In a weird way it’s beautiful to have no anger in your heart… life will still go on. The sun will still set and rise.. eventually you just start to love others more…

“Never mind if they have forgotten, never mind if you still love. Like winde eventually it turns into something sweet,” aniya pa.

Sinagot din ng Kapuso primetime star ang question kung may plano na ba siyang mag-retire sa pag-arte sa mga susunod na taon.

Sey ng aktres, “Well I thought I wasn’t gonna do telenovelas again till they said yes to my Sorsogon project.

“I honestly don’t know, acting maybe sooner, unless something amazing comes up. You can never say  just going with the flow,” paliwanag niya.

Kumpirmado nang magsasama sina Heart at Richard Yap sa upcoming romantic comedy-fashion series ng GM na “I Left My Heart In Sorsogon” na anytime now ay sasabak na rin sa lock-in taping.

“I felt na it would be unique if I was able to really showcase Sorsogon through a soap. E, alam ko that they asked me if I wanted to do a soap so sinabi ko, ‘Pwede po ba mag-soap kung Sorsogon. I was able to come up with a story, ‘yung concept,” pahayag ni Heart sa isang panayam.

“I’m excited kasi we have common friends. I heard na mabait siya, easy to work with, and I’m also very easy so masaya,” aniya pa tungkol sa unang pagsasama nila ni Richard sa isang project.