Payo ni John Lloyd kay Joshua, wag magpaapekto sa kanegahan: Create a great life for yourself

PINAYUHAN ng nagbabalik-showbiz na si John Lloyd Cruz ang young actor na si Joshua Garcia na huwag masyadong intindihin ang mga kanegahan sa kanyang paligid.

Marami ang nagsasabi na si Joshua raw ang pwedeng sumunod sa mga yapak ni Lloydie bilang isa sa mga pambatong leading man ng ABS-CBN dahil sa husay nitong magpakilig at magpaiyak.

At sa kauna-unahan ngang pagkakataon, sa official Facebook page ni John Lloyd ay makikita ang picture nila ni Joshua kung saan nga nagbigay ito ng ilang advice sa young actor para sa ikauunlad ng kanyang buhay at career.

Ayon sa ex-boyfriend ni Ellen Adarna, huwag siya masyadong mag-alala sa mga pagsubok o hamon ng buhay na hinaharap niya dahil darating din ang araw na magiging maayos ang lahat.

“One day everything will fall into place just the way it should be. So until then, don’t focus too much on the confusion,” pahayag ng award-winning actor at isa sa mga itinuturing na Box-Office King ng movie industry.

Dagdag pa niyang mensahe para kay Joshua, “Just focus on improvement and betterment. Create a great life for yourself.”

Pinusuan at ni-like naman ng mga netizens ang naka-post sa FB page ni John Lloyd. Sunud-sunod din ang mga comments ng mga tagasuporta ng dalawang aktor at halos lahat sila ay nagsabi na sana raw ay magsama sila sa isang project.

Narito ang ilang komento na nabasa namin sa inspiring FB post ni John Lloyd.

“It’s been a lot years you’ve been in the showbiz and was created a mark in the industry as one of the best actor. Lloydie … I am happy to say that I am also a follower of Joshua Garcia since PBB days and he is also one of the real person inside Kuya’s PBB house and so much down to earth person.”

“Remember John what happens to you accept it. God gave you that u can carry. More Blessings will come to you after that moral lessons the lord had given you. Sacrifices means you learn a lesson. Now new John Lloyd is coming. Remember seek first d kingdom of God. I bless you that you will always safe together with your son good health. Lord lead him a  descent life. Follow Saint Joseph descent father model father of Jesus Christ. Lead your son that d church is his house. Sana someday I can see you.”

“OMG! I was looking forward to this at sana magkasama kayo sa project. You are both great actors and I always see part of John Lloyd (especially acting) from Joshua.”

“Parang magkuya. After i watched Josh sa Paubaya MV, sumagi sa isip ko ang ganda pagsamahin Si Josh at ikaw JL sa isang heartwarming movie about family that would bring great lesson of how good relationship is as a big bro to his younger bro and vise versa. Sana. God bless sa ating lahat and keep safe as we keep going/moving on.”

“Such a great words of motivation from you to Joshua. A very good Kuya.”

“Sana may movie kayo na magkasama tapos kasama si Bea Alonzo.”

Kamakailan, naging mainit muli ang tambalan nina Joshua at Julia Barretto nang mag-viral ang music video nila para sa kanta ni Moira dela Torre na “Paubaya.” Nagsilbi rin itong “closure” sa break-up ng former couple.

Samantala, si John Lloyd naman ay balik-pelikula na at balitang nasa Sorsogon daw ngayon para sa lock-in shooting ng bago niyang project.