Bakit nga ba sina Joshua at Julia ang napili ni Moira na bumida sa ‘Paubaya’ music video?
MAHIGIT 18 million views na ang nahamig ng “Paubaya” music video nina Joshua Garcia at Julia Barretto na kinunan noon pang Enero 28.
Ang paniniwala ng lahat ay ito ang closure video ng JoshLia dahil wala naman silang paliwanag kung bakit sila naghiwalay.
Inamin ni Julia noong Enero 11 na “taken” na siya at lahat ng paglalarawan ng taong nagpapasaya sa kanya ay tumbok kay Gerald Anderson na kamakailan lang ay nakunan ang dalaga na nasa private resort ng aktor sa Zambales.
Base sa panayam kay Moira, ang umawit ng “Paubaya”, ang kanta ay tungkol sa pagpapatawad at pagpapaubaya. At dahil sa hindi inaasahang magandang feedback ng music video ay labis na pinasalamatan ng mang-aawit ang lahat ng nakapanood nito.
Sabi ni Moira sa panayam ng “TV Patrol”, “Sobrang grateful ko po, I know my team and I are still in disbelief with how everything happened but it definitely was a team effort.”
Anyway, natanong din si Moira kung bakit sina Joshua at Julia ang napili nila ng asawang si Jason Hernandez para gumanap sa music video.
“JoshLia and Jason and I, we’ve been friends for a quiet a while now. But even without the friendship, we have been their biggest fans. We just couldn’t think of anyone else who could be as raw and as natural in conveying a message about forgiveness,” kuwento ni Moira.
Oo nga, sumakto rin dahil nagamit din ng JoshLia ang music video para ibandera sa publiko ang gusto nilang sabihin sa isa’t isa na matagal na nilang dapat ginawa pero hindi sila nabigyan ng pagkakataon na ikuwento ito sa publiko bilang public figure sila.
Sabi nga ni Moira, “I believe that this was the closure that we all needed. The message of my entire album and the entire season that I wrote with my husband is about forgiveness and letting go.
“To know that a lot of people related to this and to know that a lot of people were encourage by this forgive, to do the right thing to choose to love, it’s such a great achievement for me,” aniya.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.