Tom hirap na hirap sa balik-alindog program: Trying to get rid of this dad bod is no joke!

NAGSIMULA na sa kanyang “balik alindog program” ang Kapuso actor na si Tom Rodriguez.

At aminado siya na medyo nahihirapan siyang ibalik ang dati niyang hunky body pero kailangan daw niyang kakaririn ang kanyang fitness journey.

Naikuwento ni Tom sa isang panayam ba talagang bumigat ang kanyang timbang at napabayaan ang kanyang kalusugn noong kasagsagan ng community quarantine dulot ng COVID-19 pandemic.

Kamakailan lang ay nagdesisyon na nga ang boyfriend ni Carla Abellana na karirin ang 2021 hugot na “new year, better me”. Nagsimulang magbawas ng timbang ang binata sa pamamagitan ng boxing.

Aniya sa isang Instagram post last January, “Happy New Year, everyone! I haven’t been able to shed away the holiday and quarantine pounds since my reflex bag broke. This was the nail on the proverbial coffin.

“So I guess it’s high time I ordered a new one to trim away the gut and love handles. This is still the fastest and the most FUN way I know how to do it, just gonna need to reinvest in new equipment,” aniya pa.

At makalipas nga ang halos isang buwan ng kanyang fitness program, excited at super proud na ibinandera ni Tom sa publiko ang kanyang cuts with matching six pack abs.

Ipinost ni Tom ang isa niyang topless selfie na may caption na, “I had a really good boxing session today. It’s my second day in the gym and my butt kept getting kicked.

“I’m happy that I’m finally starting to show some results from my diet and workouts. I can’t wait to start weightlifting soon. #onedayatatime #balikalindogprogram,” sey pa ng BF ni Carla.

Sa comment section, nag-message ang kapwa niya Kapuso na si Benjamin Alves na nag-congratulate sa resulta ng fitness progress ni Tom. Aniya, “I see you, bro.”

Reply naman ni Tom sa kaibigan, “Man, trying to get rid of this dad bod is no joke! HAHAHA And I’m barely on the easy stuff.

“I haven’t even started lifting yet and I already feel like going into a coma after every workout.”

* * *

Pinusuan ng netizens ang official music video ng latest single ng Kapuso Soul Balladeer na si Garrett Bolden na “Our Love” under GMA Music.

Tampok ang Kapuso artists na sina Jenzel Angeles at Jon Lucas, may nakakaantig na kuwentong dala ang music video na tungkol sa wagas na pagmamahalan ng dalawang tao hanggang sa dulo, paghiwalayin man sila ng kapalaran.

Umani ng positive reviews ang awitin ni Garrett mula sa netizens dahil marami ang naka-relate sa mensaheng dala nito. Ang ilan ay nagbahagi pa ng kanilang personal experiences sa comments section.

Kuwento ng isang netizen, “Hindi ko namalayan umiiyak na ‘ko. Sobrang namimiss ko na ‘yung dapat kasama ko ngayong valentines.

“We were together for eight years and we were about to be married, sadly two weeks before our wedding day, God needed another angel. Ang hirap isipin because we had our lives ahead of us, but I’ll be looking for you in our next life. I’m missing you terribly,” aniya.

Panoorin ang official music video ng “Our Love” sa YouTube channel ng GMA Music. Mapapakinggan din ito sa Apple Music, Spotify, at iba pang digital streaming platforms worldwide.