Dingdong naging V-day delivery rider: Napatunayan ko kung gaano kahirap ang trabahong ito

RAMDAM na ramdam ng Kapuso Primetime King na si Dingdong Dantes ang hirap ng pagiging isang delivery rider.

Mismong Valentine’s Day, Feb. 14, sa halip na maghapong mag-celebrate kasama ang kanyang asawang si Marian Rivera at dalawang anak, mas pinili ni Dingdong na lumabas muna ng bahay at magtrabaho.

Naging rider pansamantala ang award-winning actor para sa delivery business nilang DingDong PH kung saan natapos niya ang anim na delivery sa loob nang halos limang oras sa lansangan.

At dito nga niya napatunayan kung gaano kahirap ang trabaho ng mga delivery rider at kung gaano katindi ang kanilang pasensiya at sakripisyo.

Ibinahagi ng Kapuso actor-TV host ang naging karanasan niya sa pamamagitan ng kanyang Instagram account pagkatapos mai-deliver ang mga order ng ilan nilang mga customer.

“I finished 6 deliveries this Valentine’s Day. But on an average, delivery riders accomplish around 8-10 transactions on good days like this one,” simulang mensahe ni Dingdong.

Pagpapatuloy niya, “I started at 9:30am and ended before 3pm, and as I sit here at home waiting for early dinner, I realize how difficult this job is.

“There are so many factors to consider: heat, dehydration, heavy traffic, wrong addresses – which can cause panic and delays, customer’s temperament, plus the danger of getting into accidents especially if you have not been properly trained,” aniya pa.

Isa raw talagang eye-opener ang naging experience niya kaya mas lalo niyang sinasaluduhan at hinahangaan ngayon ang mga delivery riders lalo na yung palagi pa ring nakangiti kahit na hirap na hirap na sila.

“Maybe it’s because of their clear ‘why’ and strong motivation. Ginagawa nila ito para sa mga mahal nila sa buhay.

“And today, mas lalo pang tumindi ang paghanga at respeto ko sa inyong lahat.

“That’s why i will never get tired of my mission of professionalizing this industry, especially for those who want to be successful in this field,” aniya pa.

Ang delivery app na DingDong ay ni-launch last year bilang isa sa mga paraan ng pagtulong ng grupo nina Dong sa mga katrabaho at kasamahan nila sa entertainment business na nawalan ng trabaho at pagkakakitaan nu’ng kasagsagan ng lockdown dahil sa pandemya.

Ayon sa website nito, “DingDong was born as a business idea when Dong Dantes personally delivered a flower arrangement with utmost care for his wife Marian’s flower shop.

“The idea was shelved until the COVID pandemic hit and in its wake deprived many of their livelihoods. DingDong was founded in the midst of a pandemic on the premise that it would help build better lives, families, and communities by providing quality work, goods, and services.”

Sabi naman ni Dingdong sa isang panayam, “I have personally witnessed how the COVID-19 crisis affected our work in the entertainment industry, and how home-based businesses cope with and even thrive on it.

“These challenges and opportunities made the initiative and partnership imperative and timely. Building the platform became a cause bigger than ourselves.”