Reunion movie nina John Lloyd at Bea wala nang urungan; sisimulan na ngayong 2021
ISA sa mga bonggang pasabog ng Star Cinema na pinakaaabangan na ng madlang pipol ay ang reunion movie nina John Lloyd Cruz at Bea Alonzo.
Yes, mismong si ABS-CBN Films Managing Director na si Olivia Lamasan na ang nagsabi na tuloy na tuloy pa rin ang proyektong ito na inaasahang ipalalabas ngayong 2021.
“Tuloy pa rin tayo diyan. Right now, tuloy pa rin ‘yung creative development under Carmi Raymundo.
“This time, it’s a collaboration with John Lloyd himself and Bea. So that is what’s happening. Tuloy ‘yung project na iyan. That’s one of the big projects we have,” pahayag ng ABS-CBN executive sa isa niyang panayam.
Magiging hands on sina John Lloyd at Bea sa pagbuo at sa production ng kanilang pagbabalik-tambalan.
“The many experiences plus talagang ‘yung innate intelligence naman ni Lloydie ‘di ba, parang umusbong ‘yung kanyang creativity. With everything that he has been doing and he has truly matured as person and as a creative person.
“So it’s exciting that he, together with Bea who has gone through the same journey, collaborate in the project they are going to do.
“It’s something that excited us, it’s something that excites the writer Carmi Raymundo, likewise the director Cathy Garcia-Molina,” pahayag pa ni Olivia.
Patuloy pa niya, “So hinihintay ko na lang mabasa dahil ako ay excited na excited sa project na iyan. Tandaan ninyo, ang John Lloyd-Bea ay nagsimula sa akin sa ‘Kay Tagal Kang Hinintay (ipinalabas noong 2002).'”
Magsisimula na raw ang pre-production ng movie sa first quarter ng 2021. Wala pang ibinigay na detalye kung anong tema ng nasabing pelikula o kung anu-anong karakter ang gagampanan nila.
Bukod sa “Kay Tagal Kang Hinintay,” ang ilan pa sa seryeng nagawa nina John Lloyd at Bea ay ang “It Might Be You,” “Ikaw Ang Lahat Sa Akin,” “Maging Sino Ka Man,” at “I Love Bea La Fea.” Ilang pelikula na rin ang nagawa nila together kabilang na ang mga blockbuster hit na”One More Chance,” “A Second Chance,” at “The Mistress.”
Sa isang panayam, sinabi ni Bea na excited na siya na makatrabaho uli si Lloydie, kasabay nito ang pag-amin niya sa tunay na feelings niya sa aktor.
“I’m always in love with him. I feel like our partnership will never work if I was not in love with him. So nandoon lagi iyon.
“We were friends, we were enemies, we were almost lovers. Iyong relationship namin, nata-transcend niya na iyong level of just romance. Now, he’s more than just that to me.
“That’s the beauty of it. Maybe I’m also in love with the idea of what we are. Parang hindi mo alam kung ano siya and I’m in love with that idea,” pahayag ni Bea.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.