Andi idinaan sa pagbe-bake ng cupcake ang ‘gender reveal’ para sa ika-3 baby

LALAKI ang magiging ikatlong baby ni Andi Eigenmann na ikalawang anak naman nila ng champion surfer na si Philmar Alipayo.

Ito ang masayang inanunsyo ni Andi ngayong hapon sa latest vlog entry niya sa kanyang “Happy Islanders”  sa YouTube.

Ini-reveal ni Andi ang kasarian ng ikatlong anak sa pamamagitan ng pagbe-bake ng cupcake at doon daw makikita sa loob kung pink o blue ang kulay.

“I will be preparing cupcakes for three of them and gender will be revealed thru it and that’s nothing unique.

“I’ve seen that all over the internet and I will let them enjoy eat after we eat,” bungad ni Andi sa kanyang vlog.

Pagkatapos daw ng dinner malalaman nina Ellie, Philmar at Lilo ang gender ng ipinagbubuntis niya kapag kinain na nila ang cupcakes na magsisilbing dessert.

“So before we begin, do you have any guesses?” tanong ni Andi sa dalawa.

“I want boy but I think it’s a girl,” saad ng panganay ni Andi na si Ellie.

“I want a boy,” sabi rin ni Philmar.

At may black box na bubuksan lang kapag naubos na nila ang cupcake at doon malalaman kung anong kulay ito, kung pink or blue.

“When you bite into the cupcake, you can open this, (black box),” sambit ni Andi.

At kaagad ngang kinain nina Ellie at Philmar ang cupcake.

“If it’s greenish, its’ blue, if it’s reddish, it’s pink,” sabi pa ni Ellie.

Hindi naman makita ni Philmar kung anong kulay ang napunta sa kanya, maya-maya ay, “That’s blue!”

At sabay bukas ni Andi ng box at blue ribbon ang nakita kaya naman tuwang-tuwa sina Ellie at Philmar na talagang naghihiyawan pa.

Kung matatandaan, in-announce ni Andi na buntis siya sa ikatlong anak noong Agosto kasabay ng birth month ni Philmar. Kaya naman isinabay na niya ang special message niya sa ama ng anak.

“I am so grateful to be living life to the fullest with you! I am truly lucky to have you as a partner, and as such an awesome dad to the kids!”

“Thank you so much, mahal ko, for everything. Because of you, I’m this happy, and I have a wonderful life. And I hope that you are happy to celebrate another year with us, your family.

“We can’t wait to go back there to the island and be complete again soon with you, me, Ellie, Lilo, and our newest Happy Islander on the way.” Then Andi showed her baby bump, confirming that Baby #3 is coming soon!”