Pinay nurse sa US na COVID survivor sinorpresa ng brand new car ni Ellen DeGeneres
MAAGANG nakatanggap ng bonggang Christmas gift ang isang Filipino nurse sa Los Angeles, California matapos sorpresahin ni Ellen DeGeneres.
Sa YouTube channel ng “The Ellen DeGeneres’ Show”, mapapanood sa isang video ang pagreregalo ng award-winning TV host-producer ng brand new car kay Flor Roz.
Isa siya sa mga napili ni Ellen bilang bayaning frontliner na patuloy na nangangalaga at nakikipaglaban para sa kaligtasan ng COVID-19 patients sa Amerika.
Sa panayam ng staff ni Ellen, naibahagi niya ang mga hirap at sakripisyo na dinaranas nilang mga nurse sa patuloy na banta ng pandemya.
“I became a nurse because since I was a kid, I love helping people. The pandemic has changed everything.
“People who are sick, since they cannot be visited by their family, I will be the one who’s gonna be by their side and let them know that there is this person who loves them,” sabi ng Pinay nurse na walang kaalam-alam sa naghihintay na sorpresa sa kanya.
Patuloy pa niyang kuwento, “It’s just heartbreaking not to see your family. But I can’t do anything but to be strong for them.”
At ang pinakamasakit sa lahat, tinamaan din siya ng killer virus noong Marso na naging dahilan ng pagtigil niya sa trabaho kaya naapektuhan din ang kanilang kabuhayan.
“Right now, me and my husband share a car. If I don’t have the car, I sometimes ask my co-workers to pick me up and I walk or sometimes I take Uber,” kuwento pa ni Flor na balik-trabaho na rin bilang nurse.
At dito na nga nagpakita si Ellen sakay ng isang bagong sasakyan at nag-park sa harapan ng kanilang bahay. Nang lumabas si Flor at makita si Ellen, hindi na niya napigilan ang maluha.
Sey ng TV host sa kanya, “It’s just amazing what you’ve been doing. I know that you and your husband are sharing one car.
“So I’ve partnered with Hyundai and they want to thank you for your service. They want to give you this Hyundai Palisade. This is your car. No more Ubers for you,” pahayag ni Ellen.
“Just know how much we love you and appreciate you and when you’re exhausted, in those times that you can barely go on anymore, just remember how many people love you and how many people are so grateful for you. Thank you for what you do,” dagdag pa niya.
Abot-langit naman ang pasasalamat ni Flor at sinabing binago ni Ellen ang takbo ng kanyang buhay, at tinawag ang moment na ito bilang “a very blessed way to end my 2020.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.