Alexa Ilacad natakot gumanap bilang batang Bea: Mabibigyan ko ba ng hustisya?

INAMIN ni Alexa Ilacad na sobrang na-excite siya nang malamang siya ang gaganap na Bobbie sa pelikulang “Four Sisters Before The Wedding” mula sa Star Cinema.

Alam niyang malaking pressure ito para sa kanya dahil ang karakter niya ay unang ginampanan ni Bea Alonzo sa “Four Sisters And A Wedding” na ipinalabas noong 2013.

“I play the role of Roberta Olivia Salazar or Bobbie portrayed by Bea Alonzo. Sadly, hindi ko pa nakausap si Ms. Bea and that would be a dream of mine.

“Pero sana kung sakaling mapanood niya ‘yun matuwa siya, ma-proud siya. Pero sa totoo lang hindi naman ako gaano nahirapan pumasok sa katawan ni Bobbie dahil napakadali katrabaho ng sisters ko.

“Naramdaman ko agad na ako si Bobbie at siyempre dahil sa tulong ni direk. Pati ng boys (partners sa movie). Hindi pa namin napapasalamatan yung boys. So thank you boys dahil ipinaramdam n’yo sa amin ang kilig bilang Salazar sisters.

 “Para sa akin ang movie na ito ay isang answered prayer para sa akin. I wanted so bad to be part of this film, thinking about na ikakasikat ko ito or just because it can possibly be my break, but just because I loved the first movie and it is iconic.

‘’I would love to do our own version with our own twists, but I’m just very thankful. I think just having met the people I’ve worked with, just me having this new family with me, that’s my greatest take away from all of this.

“Grabe talaga yung samahan namin. I can’t stress that enough. Paulit-ulit na naming sinasabi na grabe solid kami, masaya kami. Totoo talaga, eh. Hanggang ngayon, eh. Ito yung alam ko na genuine. We won’t lose touch talaga. The love na pinortray namin sa movie is real love,” kuwento ng aktres.

Markado ang karakter ni Bea bilang si Bobbie kaya natanong si Alexa kung paano niya ito naitawid dahil kahit na pitong taon na ang nakalipas ay paulit-ulit pa rin itong pinapanood ng mga tao at ginawa pang memes ang mga dayalog ng aktres at pressured ba ito sa kanya.

“Having the role of Bobbie, honestly when they told me that I was playing Bobbie I’m the type of person who reads comments of people, well it really warmed my heart because they were so excited, they kept saying how perfect I was for Bobbie.

“They couldn’t imagine anyone else and at first I was just feeling so blessed and I was so touch but then all the fears started to come in my head, started to feel really anxious because this is Bobbie!

“Perfectly portrayed by Ms. Bea and so yes the pressure is intense!  It was so intense, I was so scared, sometimes I would think, ‘did I do the right choice of accepting this? Will I be able to give justice?’

“But the meeting after working with the cast, even the crew, everyone, made me channel that fear into positivity and to motivation that just gave me this drive and to just give my best and hopefully I make the people proud, I make Ms. Bea proud, I make Ms. Van (Vanessa Valdez) proud, I make direk Mae proud because I am personally proud of every single person who made this movie possible especially my sisters,” pahayag pa ni Alexa.

Base sa napanood naming trailer ng “Four Sisters Before The Wedding”,  lahat silang apat na magkakapatid na ginampanan nina Charlie Dizon gaganap na Teddie (karakter ni Toni), Gillian Vicencio bilang si Alex (role ni Angel) at Belle Mariano sa karakter na Gabbie (as Shaina) ay ang ganda ng hatian ng exposure at higit sa lahat, hindi sila nagpahuli kina Bea, Toni Gonzaga, Shaina Magdayao at Angel Locsin at heto nga ang dami na kaagad nag-aabang at nagtatanong sa amin kung kailan ito ipalalabas.

Marahil kung bukas ang mga sinehan ngayon, nakikinita na namin ang mahabang pila sa mga sinehan, isama pa hiyawan ng supporters during the premiere night.

Anyway, mapapanood ang “Four Sisters Before The Wedding” worldwide simula sa Dec. 11 sa KTX.ph (ktx.ph), iWantTFC (iwanttfc.com), TFC IPTV, Cignal PPV (my.cignal.tv), and Sky Cable pay-per-view (mysky.com.ph).