Mula noong manganak ako, wala pa akong kumpletong tulog

MULA nang ipanganak ang panganay nila ni Billy Crawford, wala pang kumpletong tulog ang first time mommy na si Coleen Garcia.

Dalawang buwan matapos isilang si Baby Amari, hindi pa talaga nagkakaroon ng walong oras na tulog at kumpletong pahinga ang aktres.

Pero walang reklamo si Coleen dahil ang pag-aalaga sa anak ang nagbibigay sa kanyang ng energy sa araw-araw habang nag-a-adjust pa rin sa pagiging nanay.

“May mga nag-warn na sa akin na mahirap ang postpartum, mahirap ang breastfeeding, ‘yung recovery and everything.

“Ang hindi ko lang naisip is ‘yung ipagsasabay-sabay mo lahat. I am trying to learn how to breastfeed pero at the same time, nagre-recover din ako. From the day na nanganak ako, wala pa akong buong tulog,” pahayag ni Coleen sa online talkshow na “I Feel U.”

Isang proud padede mom din ang aktres kaya kailangan din niyang sundin ang tamang diet para palagi siyang malakas at healthy.

“Nu’ng una talaga, nanibago ako because of the diet also na every two hours, kailangan talaga kumakain. Kasi breastmilk stays the same, nutritious talaga no matter what.

“Pero kapag kulang, kinukuha talaga from my nutrition. So ako ‘yung parang nanghihina, ako ‘yung nakukulangan sa nutrition.

“I always have to be eating and everything. Totoo ‘yung sinasabi din nila na your body is no longer yours,” paliwanag ng misis ni Billy.

Kuwento pa ni Coleen, kahit na struggle at effort ang pagiging first time mom, ine-enjoy pa rin niya ang lahat ng “firsts” kasama si Baby Amari.

“Our journey is quite unique kasi this all happened while we are on lockdown. It’s still hard to imagine what normal life is going to be like.

“Kasi kahit naman nu’ng buntis ako, naka-lockdown na. It’s hard to be imagine what it will be like when it is back to work, when I start going out again.

“Excited din naman ako for that because everything is really going to be different,” lahad pa niya.

Sa tanong kung paano nabago ng pagdating ni Amari ang pananaw niya sa buhay, aniya, “Parang there are so many things before na sobrang sa tingin ko importante pero ngayon, parang ang babaw or parang hindi na ako.

“With him, siguro nag-change ‘yung perspective ko in life. I focus on the things that matter now. Parang paliit nang paliit ‘yung mga things that are really important, ‘yung mundo ko.

“Parang I don’t have to look so far anymore to see what really matters to me. Nandito lang talaga sa paligid ko,” sabi pa niya.

Patuloy pang kuwento ni Mommy Coleen, “I know I am not perfect, there are so many things to learn but I am so determined. Even like nu’ng una, ‘yung breastfeeding nahirapan talaga ako and I thought na it was gonna be hard for me.

“To push and to continue to move forward and to continue to try, it’s really not gonna be easy.

“But as long as we have the attitude na we want to keep trying, we want to keep doing the best we can, then at least we will be doing better than we were yesterday.”