Sey mo Ivana: ‘Piranha Alawi’ ang itawag n’yo sa akin!

VIRAL na ngayon ang bagong paandar ng social media sensation na si Pipay.

Muling nagpasabog ng good vibes ang YouTube star sa socmed nang mag-ala-Ivana Alawi sa latest pictorial niya na kinunan pa talaga sa isang creek.

“Piranha Alawi” raw ang itawag sa kanya dahil si Ivana Alawi nga ang naging inspirasyon niya sa nakakaloka niyang pictorial at sa bago niyang vlog.

Talagang kinopya ni Pipay ang “labandera” look ni Ivana sa bonggang fashion shoot nito kamakailan with ace photographer BJ Pascual.

Sa mga litrato ni Ivana, makikita ang sexy actress-vlogger na nasa isang tila gubat at may dalang batya para sa kanyang labandera look habang ang kay Pipay naman ay kinunan sa isang creek na may mga puno at damong ligaw sa paligid with matching malalaking “lamok.”

Talagang lumusong pa sa rumaragasang tubig sa sapa si Pipay at umupo sa isang malaking bato para doon mag-project ala-Ivana lavandera.

Ipinost ni Pipay sa kanyang Twitter account ang ilang litrato na kuha sa creek habang kunwari’y naglalaba tulad ng mga paandar at pasabog na photos ni Ivana sa Preview.

Caption ng vlogger sa kanyang mga litrato, “LAVANDERIA!”

“@IvanaAlawi x @bjpascual! Inspired shoot made possible by my friends Mikko Tataro and Jemimah Nabong!”

In fairness, libu-libong netizens ang nag-like at nag-retweet nito kaya mabilis na nag-viral. Ibig sabihin patok at bentang-benta sa madlang pipol ang naisip na gimik ni Pipay.

Comment ng mga Twitter users, pinasaya raw ni Piranha Alawi ang kanilang araw matapos maaliw at matawa nang bonggang-bongga sa mga litrato niya sa creek.

Marami rin ang nagkomento nang i-post din niya ang mga photos sa Facebook kabilang na si BJ Pascual na naglagay ng tatlong heart emojis sa kanyang message na “LOVE!!!!”

Caption ni Pipay sa FB post, “Di papakabog mga mars! Mga depungal magandahan naman kayo whahahaha!”

Narito naman ang ilang comments ng mga friends niya sa FB.

“You nailed it. This is what we call confidently beautiful with the heart.”

“Itsura aside ah, magaling Magaling yung model and photographer. Kudos. There’s a promising talent behind the team who made this possible.”

“It looks stunning. Only people who doesn’t have an eye for art wouldn’t appreciate these photos and laugh at it.”

“That one photo of her smiling genuinely is priceless. Her eyes are smiling too.”

Ang tanong, ano naman kaya ang reaksyon ni Ivana sa panggagaya sa kanya ni Pipay! I’m sure aliw na aliw din ang sexy actress sa mga pinaggagawa ng vlogger.