Heart umamin sa ‘relasyon’ nila noon ni John: pinagtagpo pero hindi itinadhana
NAPA-THROWBACK si Heart Evangelista habang pinanonood ang mga luma niyang video kabilang na ang mga nagawa niyang teleserye at pelikula noon.
Sa kanyang latest YouTube vlog, ipinakita ng Kapuso actress at fashion icon ang naging reaksyon sa mga dati niyang live performance, TV show, movies at interviews.
Isa na nga rito ang mga eksena sa dati nilang show ng former screen partner na si John Prats. Dito, inamin ni Heart na muntik na silang naging magdyowa pero hindi raw talaga sila itinadhana para sa isa’t isa.
“I really spent a lot of time with John Prats growing up. We were like the love team.
“He was my MU. I remember our (anniversary) was 02-02-02 nung naging MU kami nung bata kami.
“But that fizzled out, we’re friends now though. We’re just very comfortable with each other. So, yeah,” chika ng misis ni Chiz Escudero.
Sa bandang huli ng kanyang vlog, buong-ningning na sinabi ni Heart na napakarami mang nagbago sa buhay niya mula noong tweetum days niya bilang teenstar, nananatili pa rin ang kanyang pagiging “maarte at kikay.”
Aniya, talagang kakambal na niya ang “kaartehan” at “kakikayan” pero “in a positive way” naman daw dahil nag-mature na rin ang mga pananaw niya sa buhay matapos dumaan sa matitinding challenges noong kabataan niya.
“So much has changed but when I look back, it is still very much me.
“I guess that’s a good thing, not really a bad thing kasi iyon pa rin ako, maarte pa rin.
“Nag-tone down lang kasi nag-mature but I’m still the Heart that I know.
“And I’m just so happy that, thank God, everything turned out to be very very good. So kapit lang, kapit lang, everything’s gonna end up well,” chika pa ng Kapuso actress.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.