Huling vlog ni Lloyd Cadena inilabas na: Nag-ipon ako, hindi ako naging burara sa pera…

INILABAS na ng pamilya ng yumaong vlogger-social media influencer na si Lloyd Cadena ang huli niyang recorded video sa YouTube.

Dito makikita ang ilang “unboxing moments” ni Lloyd bago siya tuluyang mamaalam. At tulad ng inaasahan, isang kwela at nakaaaliw na Lloyd ang napanood sa kanyang final vlog.

Ilan sa mga ipinakita niya sa video ay ang mga nabili niyang bagong gamit para sa bahay nila, tulad ng fire extinguishers, sponge holder at ang malalaking speakers na aniya’y talagang pinag-ipunan niya.

Napanood din ng kanyang subscribers kung paano niya sinubukang ikabit ang mga speaker sa TV with matching karaoke session pa.

“Itong mga ito, inipon ko talaga ’yung budget ko. Nag-ipon ako, hindi ako gumastos masyado, hindi ako naging burara sa pera.

“Nag-ipon ako para mabili ’yung mga gamit na gusto ko bilhin sa bagong bahay namin,” kuwento ni Lloyd.

“So kung sa tingin niyo ang dami kong mga unboxing lately, dahil ’yun meron tayong bagong bahay at pinangarap ko lang ito noon,” dugtong pa niya.Ayon naman sa kanyang pamilya, “Maraming salamat ‘Cadenators’ sa support ninyo kay Kween LC (tawag kay Lloyd ng kanyang fans at supporters).

Marami siyang nagawa at natupad na mga pangarap dahil sa inyo.”

Nagpositibo si Lloyd sa COVID-19 ngunit heart attack ang kanyang ikinamatay, ayon sa official statement ng kanyang naulilang pamilya.

“There are simply no words to express our heartfelt thanks for the prayers and sympathy you have extended to our family during this time of loss.

“Lloyd was confined in the hospital on September 1 due to high fever and dry cough. He was tested for COVID-19 on the same day which the result came.

“Nagsimulang mag-vlog si Lloyd 10 years ago at kinikilala bilang isa sa mga pioneer sa local vlogging industry with more than 5.3 million subscribers sa YouTube at 6.5 million followers sa Facebook.