Angel sa magnanakaw sa gobyerno: Mahaba-habang pagkakakulong sa siksikan na preso, with no chance of parole
BINAWI agad ni Angel Locsin ang pagpabor niya sa death penalty para sa mga mapatutunayang nagnakaw sa gobyerno.
Mukhang hindi talaga keri ng Kapamilya actress na sumang-ayon sa pagbabalik ng parusang kamatayan sa bansa.
Naglabas ng pahayag si Angel tungkol sa death penalty sa gitna ng umano’y mga anomalya at korapsyon sa Philippine Health Insurance Corporation (PhilHealth).
Sa kanyang Instagram account, nag-react si Angel sa pahayag ni Senate Majority Leader Juan Miguel Zubiri na hatulan ng “severe punishment” ang PhilHealth officials and employees na mapatutunayang sangkot sa katiwalian.
“I’m against death penalty. But for the people who steal from the poor & sick, especially during a pandemic, you deserve the death penalty,” ang mensaheng ipinost ni Angel sa kanyang Instagram Story.
Ngunit ilang sandali lang ang lumipas, binawi agad ni Angel ang kanyang sinabi.
“Changed my mind. Mahaba-habang pagkakakulong sa siksikan na preso, with no chance of parole [para] sa mga walang pusong corrupt officials,” aniya.
Iniimbestigahan na ngayon ang mga opisyal at empleyado ng PhilHealth matapos ibuking ng nag-resign na PhilHealth anti-fraud officer na si Thorrsson Montes Keith ang bilyun-bilyong pisong halaga ng anomalya sa ahensya.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.