Arestado ang apat na drug suspek sa ikinasang buy-bust operation sa Dumaguete City, Negros Oriental Biyernes ng gabi.
Ayon sa Philippine Drug Enforcement Agency Central Visayas (PDEA RO7), isinagawa ang operasyon sa Zone 1, Barangay Looc bandang 11:15 ng gabi.
Ayon sa PDEA, nakilala ang mga suspek na sina Ryan Luzada, 34-anyos; Jefrey Lallaban, 39-anyos; John Floyd Argote, 40-anyos; at Jerry Taub, 41-anyos.
Narekober sa apat ang tatlong pakete ng hinihinalang shabu na nagkakahalaga ng P6,800, mga pakete na may shabu residue, ilang drug paraphernalia, at ginamit na buy-bust money.
Sasampahan ng kasong paglabag sa Sections 5, 11, 12, at 26, Article 2 ng Republic Act 9165 ang apat na drug suspect.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.