Janella asar-talo sa netizen: P3,600 lang hindi pa maibigay, asan ang puso?

IPINAGTANGGOL ng Kapamilya young actor na si Marcus Patterson ang girlfriend na si Janella Salvador sa isyung kinasangkutan nito ngayon.

Nag-post ang binata sa kanyang Twitter account patungkol sa mga akusasyon kay Janella ng dati niyang personal assistant o PA na si Michelle Pelongco.

Bagama’t pa-blind item ang tweet ni Marcus, tukoy na tukoy naman ng mga netizens kung sino ang pinatatamaan niya.

“If that employee was fired halfway through the month, does that employee have the right to ask for his/her sweldo for the full month?

“It doesn’t matter how much money you have, if you’re smart, the money you spend should be worth it. Let’s say for example, if a company hires an employee and that employee doesn’t work or do his/her job, syempre mawawalan sya ng trabaho.

“Sa totoo lang, social media nowadays is so toxic with people trying to get the latest gossip in other people’s lives.
“Look at the year the world has had. Look at the year this country has had. We have bigger issues to be working on. Let’s start with ya’ll attitude,” pahayag ng aktor.

Samantala, hindi naman nagustuhan ng ilang netizens ang sagot ni Janella sa kanyang PA na sa halip ayusin ang problema ay hinamon pa niyan itong idemanda siya kung talagang meron daw siyang nagawang kasalanan.

Komento ng isa niyang follower, “P3,600 lang hindi mo pa maibigay, you’re getting hundreds of thousands or even millions pesos in your project compared to your staff who only received P8,000 a month? Asan ang puso?”

Nabanggit pa ni Janella na hindi niya ibibigay ang halaga kay Michelle bagkus ay mas gusto pa niyang ibigay na lang ito sa ibang tao na mas deserving.

At base sa tweet ni Marcus ay hindi nabuo ni Michelle ang isang buwang serbisyo dahil pinaalis na siya ni Janella 15 days bago mag-isang buwan.

Opinyon lang namin, sabi nga ni Marcus, “social media nowadays is so toxic with people trying to get the latest gossip.” Siguro kung kinausap ni Janella nang maayos ang PA niya hindi na lumaki pa ang isyu.

Sa ganitong pagkakataon, sana inunawa ng aktres ang hinaing ng PA niya dahil pinaalis na nga niya at wala na itong trabaho. Sana’y ibinigay na rin niya ang suweldo nito para hindi na nabulabog ang pananahimik ng aktres.