NAIS pagpaliwanagin ng Metropolitan Manila Development Authority si Kim Chiu sa kumakalat na viral video na sumayaw diumano ito sa Edsa habang tugtog ang hit song niyang ‘Bawal Lumabas’.
Ayon sa MMDA, iimbitahan nila ang aktres para mag-explain tungkol sa nasabing video na ipinost ng isang Chadric Ebojo.
Sa isang Instagram post naman, itinanggi ni Kim Chiu na kuha ito sa Edsa.
Ayon sa aktres, kuha ang video sa isang parking lot ng isang restaurant.
“Sa nagpapakalat ng fake news na sa Edsa ako sumayaw, hello?!!! Okay ka lang??? Bakit ako sasayw sa gitna ng edsa. Takot ko lang. DYOS KO. Please stop spreading FAKE NEWS.” sey ni Kim.
Nangyari daw ito habang nagdedeliver siya ng binebenta niyang merchandise na first time niyang ginawa.
“Please lang. Moms @iamangelicap sa edsa daw yung PARKING LOT ng tipsy pig?… kaya pa ba? Ikaw na nagdeliver ng merchandise, ikaw pa pagbibintangan ng fake news… hay…. life…… hindi po biro magbenta ng merch, first time kong ginawa to pero okay lang I know this is for a good cause. let’s spread love not hate. COVID ANG KALABAN NATIN, HINDI ANG KAPWA TAO. Please lang, stop spreading #fakenews.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.