ISANG sunog ang sumiklab sa residential area sa Las Piñas kanina.
Sa ulat na natanggap ng Bureau of Fire Protection-National Capital Region nagsimula ang sunog alas-7 ng umaga sa bahay ni Allan Ignacio sa Mojica st., Sterling Homes, Pamplona Dos.
Nagsimula umano ang sunog sa kisame ng attic ng bahay.
Agad namang nakontrol ng mga bumbero ang sunog alas-7:27 ng umaga kaya hindi na ito kumalat sa katabing bahay.
Naapula ang sunog alas-7:37 ng umaga. Umabot sa P150,000 ang halaga ng pinsala.
Nagsasagawa ng imbestigasyon ang arson probers upang matukoy ang sanhi ng sunog.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.