UPANG mas mapabilis ang pagbibigay ng ayuda sa mga senior citizens, persons with disability at solo parents sisimulan ng Quezon City government ang online payout.
Ang mga benepisyaryo ay maaaring gumawa ng qcservices.quezoncity.gov.ph
Pumunta sa Kalingang QC at pindutin ang tab kung saang sektor nahahanay. Ilagay ang detalye ng benepisyaryo.
Pumili ng payment method o kung saan nais na matanggap ang tulong pinansyal. Maaari sa bangko, GCash o PayMaya. Kung walang sariling account maaaring gamitin ang account ng asawa, anak, magulang o kapatid.
Kung ang account ay valid, dito ipadadala ng lokal na pamahalaan ang tulong pinansyal. Maghintay lamang ng ilang araw bago makuha ang tulong.
Kung wala pang QC-issued ID na kailangan sa pagpaparehistro, maaaring makipag-ugnayan sa Office for the Senior Citizens’ Affairs, Persons with Disability Affairs Office at Social Services Development Department.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.