Kagawad naki-party, nalunod | Bandera

Kagawad naki-party, nalunod

John Roson |May 21,2020
facebook
share this

Kagawad naki-party, nalunod

John Roson - May 21, 2020 - 02:46 PM

PATAY ang isang barangay kagawad ng Bugallon, Pangasinan, matapos umanong malunod makaraang dumalo sa party.

Nakilala ang nasawi bilang si Renato Torio, 59, residente’t kagawad ng Brgy. Bañaga, ayon sa ulat ng Ilocos regional police.

Natagpuan na lang na palutang-lutang ang kanyang bangkay sa bahagi ng Agno River na sakop ng naturang barangay, dakong alas-10 ng umaga Miyerkules.

Sinabi sa pulisya ng residenteng si Benjamin Dela Cruz na mangingisda sana siya sa ilog, nang madiskubre ang bangkay.

Lumabas sa inisyal na imbestigasyon na nang gabi bago iyo’y dumalo ang kagawad sa isang birthday party kung saan siya nakipag-inuman, at pagdaka’y umalis sakay ng bisikleta.

Inaalam pa kung paano napunta sa ilog ang kagawad.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending