PITONG beses nag-landfall ang bagyong Ambo, ayon sa Philippine Atmospheric Geophysical and Astronomical Services Administration.
Huli itong nag-landfall sa Real, Quezon alas-5 ng hapon.
Una itong nag-landfall sa San Policarpo, Eastern Samar (12:15 ng tanghali noong Huwebes); Dalupiri Island, Northern Samar (10:15 ng gabi noong Huwebes); Capul Island, Northern Samar (10:30 ng gabi noong Huwebes); Ticao Island, Masbate (12:00 ng umaga ng Biyernes); Burias Island, Masbate (3:00 ng umaga ng Biyernes); San Andres, Quezon (7:45 ng umaga ng Biyernes); Real, Quezon (5:00 ng hapon ng Biyernes).
Napanatili ng bagyo ang lakas ng hangin nito na umaabot sa 100 kilometro bawat oras ang bilis at pagbugsong 165 kilometro bawat oras. Umuusad ito sa bilis na 20 kilometro bawat oras pahilagang kanluran.
Naitala ang Tropical Cyclone Warning Signal no. 2 sa Ilocos Norte, Ilocos Sur, Apayao, Abra, Kalinga, Mountain Province, Ifugao, Benguet, La Union, Nueva Vizcaya, Nueva Ecija, Quirino, Aurora, silangang bahagi ng Pangasinan (San Nicolas, Natividad, San Quintin, Umingan, Balungao, Sta. Maria, Tayug, Asingan, San Manuel, Binalonan, Laoac, Urdaneta, Villasis, Rosales, Sto. Tomas, Alcala, Bautista, Bayambang, Urbiztondo, Basista, Malasiqui, Sta. Barbara, Manaoag, Mapandan, San Jacinto, San Fabian, Pozorrubio, Sison, Mangaldan, Dagupan, Calasiao, Binmaley, Lingayen, Bugallon, Aguilar, San Carlos, Mangatarem), Tarlac, Pampanga, Bulacan, Metro Manila, Cavite, Laguna, Rizal, bahagi ng Quezon (General Nakar, Infanta, Real, Mauban, Sampaloc. Lucban, Tayabas, Sariaya, Candelaria, Dolores, Tiaong, San Antonio, Lucena, Pagbilao, Atimonan, Padre Burgos, Agdangan, Plaridel, Unisan, Gumaca, Pitogo, Macallelon, General Luna, Catanauan, Lopez, Buenavista, Guinayangan, Calauag, Tagkayawan, Perez, Alabat, Quezon), Polillo Islands, bahagi ng Isabela (Quezon, Mallig, Roxas, Quirino, San Manuel, Burgos, Gamu, Reina Mercedes, Aurora, Luna Cabatuan, Naguilian, Benito Soliven, Cauayan, San Guillermo, Dinapigue, San Mateo, Alicia, Angadanan, Ramon, San Isidro, Echague, Jones, San Agustin, Santiago, at Cordon).
Nakataas naman ang TCWS no. 1 sa Cagayan kasama ang Babuyan Islands, Batanes, Zambales, Bataan, iba pang bahagi ng Isabela, Batangas, Marinduque, Quezon, Camarines Norte, at hilagang kanlurang bahagi ng Camarines Sur (Del Gallego, Ragay, Lupi, at Sipocot).
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.