Arrested
ARESTADO ang pito katao sa magkahiwalay na operasyon ng pulisya sa Quezon City.
Nasakote ng Fairview Police si Federico Holasca, 46, Kenneth Galicia, 19, Donita Burac, 27, Cyrill Sola, 21, at Wilson Alberca, 36, sa buy-bust operation. Tinangka naman umano ni Imilda Vieja, 50, na pigilan ang pag-aresto kaya siya ay hinuli at sasampahan ng reklamong obstruction of justice.
Nakabili umano ng P300 halaga ng shabu ang isang poseur buyer sa mga suspek alas-8:30 ng gabi sa no. 37 Bougainvilla st., Maligaya Park, Brgy. Pasong Putik.
Nang maaresto narekober umano ng pulisya ang 7.5 gramo ng shabu na nagkakahalaga ng P51,000.
Nahuli naman ng Kamuning Police sa buy-bust operation si Rolando Swan, 40, ng Brgy. Ramon Magsaysay, Bago Bantay, alas-9:45 ng gabi sa Don A. Roces Ave. kanto ng Scout Santiago st., Brgy. Laging Handa.
Nakumpiska umano sa suspek ang P13,600 halaga ng shabu.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.