Juice pinalitan ng keso, empleyado kalaboso
ARESTADO ang isang sales clerk matapos umanong palitan ng keso at all purpose cream ang laman ng kahon ng juice na kanyang binili sa pinapasukang grocery Quezon City kahapon.
Si Arien Abarientos, 32, empleyado ng Super Shopping Market Inc., at ng Goodwill Homes 1, Brgy. San Bartolome, ay nahaharap sa kasong qualified theft.
Ayon sa ulat ng pulisya bumili ang suspek ng dalawang kahon ng Koolers Fun Drink na nagkakahalaga ng P87.50 alas-7 ng gabi sa pinagtatrabahuhan nito sa Quirino Highway, Brgy. Talipapa.
Nang suriin ng guwardya ang kanyang binili ay nakita nito na hindi tetra pack juice kundi walong Eden Cheese at 14 na Alaska Cream All Purpose Cream ang lamang ng mga kahon. May kabuuang halaga umano nitong P1,764.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.