NASAMSAM ang pulisya ang may P156,000 halaga ng shabu sa tatlo katao sa magkakahiwalay na operasyon sa Quezon City.
Si Jebiz Dela Cruz, 27, ng Brgy. Holy Spirit ay naaresto ng mga tauhan ng District Drug Enforcement Unit alas-6:20 kagabi sa San Isidro st., Brgy. Holy Spirit.
Nagbenta umano si Dela Cruz ng P8,500 halaga ng shabu sa isang poseur buyer. Nang maaresto ay nakuha pa umano sa kanya ang P115,600 halaga ng shabu.
Nasakote naman ng Masambong Police si Mohaymen Datumulok, 24, alas-9:35 kagabi sa Sampaguita st., Brgy. Central. Narekober umano sa kanya ang P40,800 halaga ng shabu.
Naaresto naman ng La Loma Police si Iris Christopher Sayo, 44, alas-9 kagabi sa kanto ng Halcon at Don Manuel, Brgy. Salvacion. Nakuha umano sa kanya ang P340 halaga ng shabu.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.