Alex ipinamukha sa bashers ang pagtulong ni Toni: Generous ate ko! 

IPINAMUKHA ni Alex Gonzaga sa mga haters at bashers ang ginagawang pagtulong ng kapatid niyang si Toni sa mga apektado ng COVID-19 pandemic.

Marami kasing tumitira kay Toni at bagsasabing tila dedma lang ito sa health crisis sa bansa at walang ginagawang relief efforts para sa mga Pinoy at frontliners.

Ikinumpara pa siya ng ilang bashers kina Angel Locsin at Bea Alonzo na aktibo ngayon sa pagbibigay ng ayuda sa mga naapektuhan ng lockdown at sa mga bayaning healthcare workers.

Dahil dito, napilitan na si Alex na ipagtanggol ang kapatid sa pamamagitan ng pagpo-post ng mga ginagawa nitong relief efforts  sa gitna ng COVID-19 crisis.

Ipinagdiinan ng actress-vlogger na hindi talaga naging ugali ng misis ni Direk Paul Soriano ang ibandera ang ginagawang pagtulong.

“The 4th batch of our 1k relief goods is from my sister. She has been continuously helping without posting anything.

“She has built and renovated different churches, has scholars and regular feeding program for kids. Ako nalang magpost kasi im so proud of my generous Ate!” bahagi ng post ni Alex sa Twitter.

Bukod dito, nagpahayag din ng pasasalamat at paghanga si Alex sa kanyang fiancé na si Mikee Morada na hindi rin tumitigil sa pagtulong  bilang councilor sa Lipa City, Batangas.

“My love, I couldn’t be any prouder to see how much you care for our kababayans. God bless you more konsi Mikee Morada Red heartRed heartRed heart,” mensahe ni Alex.

Nauna nang sinagot ni Toni ang ilang bashers na tumawag sa kanya ng “selfish” at “useless” ngayong panahon ng krisis.

“I NEVER broadcast the help we give,” she replied. I don’t need your validation and praise for it. Some people can work and help in silence. Respect that. Not everything is publicized like how you want it,” ani Toni.