PUMALO na sa 55 ang bilang ng mga pulis na nagpositibo sa 2019-Coronavirus disease (COVID-19).
Sa naturang bilang, lima ang naitalang bagong kaso, ayon kay PNP Health Service director Brig. Gen. Herminio Tadeo Jr.
Sila’y kinabibilangan ng isang 43-anyos at 36-anyos na kapwa mula Laguna; 29-anyos na mula Muntinlupa City; 29-anyos na mula Taguig City, at 50-anyos na mula Bulacan, aniya.
Noong Martes ay 18 pulis at dalawang non-uniformed personnel ng PNP, na pawang mga nakatalaga sa Metro Manila, ang nakumpirmang may COVID-19.
Bukod sa mga nagpositibo, mayroon namang 105 tauhan ng PNP na “probable” persons under investigation (PUI). Kinabibilangan sila ng 20 commissioned officer, 84 non-commissioned officer, at isang non-uniformed personnel.
Mayroon ding 456 na “suspected” PUI na kinabibilangan ng 99 commissioned officer, 320 non-commissioned officer, at 37 non-uniformed personnel.
Walong pulis pa lang ang nakakarekober sa COVID-19, ayon sa PNP.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.